Իրանի ԱԳ նախարարը բացահայտել է ԼՂ կարգավորման իրանական ծրագրի որոշ դետալներ
Աշխարհ
Իրանի արտաքին գործերի նախարար Մոհամադ Ջավադ Զարիֆը IRIB-ին տված հարցազրույցում ասել է, որ Լեռնային Ղարաբաղում լարվածության առաջին օրերից Իրանը բանակցում է Ադրբեջանի, Հայաստանի, Ռուսաստանի եւ Թուրքիայի հետ:
«Մենք համարում ենք, որ պատերազմը ամենամեծ վնասը կհասցնի տարածաշրջանի երկրներին, եւ այդ պատճառով այդ երկրները կարող են առավելագույն չափով ազդել հրադադարի վրա: Այդ համատեքստում ենք մենք բանակցում»,-ասել է նա՝ նշելով, որ Իրանի նախաձեռնությունը չի փորձում մրցել կարգավորման ուրիշ մեխանիզմերի հետ, ինչպիսին է ԵԱՀԿ Մինսկի խումբը:
«Մեր ծրագրի կարեւոր առանձնահատկություններից մեկը կայանում է նրանում, որ այն չի վերաբերում բացառապես ժամանակավոր հրադադարին, իսկ ավելի շուտ ուղղված է տարաձայնությունների լուծմանը կողմերի՝ որոշակի սկզբունքներին հակված լինելու շրջանակում, այնուհետեւ կիրականացվեն այլ միջոցառումներ, մասնավորապես, բոլոր օկուպացված տարածքներից օկուպացնող զորքերի դուրս բերումը»,-ասել է նա:
Զարիֆի խոսքով՝ մարդու իրավունքների իրացումը, տեղաշարժման երթուղիների ստեղծումը եւ խաղաղ ծրագիրն իրագործելու ընթացքին տարածաշրջանների երկրների մոնիթորինգը Թեհրանի նախաձեռնության ցանկում են: Նա նշել է, որ ԱԳ փոխնախարար Արաղչին առաջարկել է ծրագիր Ադրբեջանին, Հայաստանին, Ռուսաստանի եւ Թուրքիային, եւ Թեհրանն այժմ ակնկալում է պատասխան այդ երկրներից այդ նախաձեռնության շուրջ:
Զարիֆը նաեւ ասել է, որ Իրանը թույլ չի տա իր սահմանների մոտ ահաբեկիչների ներկայությունը:
1
2
3
4
5
1
2
3
5
2
5
