Ռուսաստանի ԱԳ փոխնախարարը՝ Հայաստանի ու Ադրբեջանի ղեկավարների հնարավոր հանդիպման մասին
Քաղաքականություն
Լեռնային Ղարաբաղի հակամարտությւան կարգավորման հարցում ԵԱՀԿ ՄԽ շրջանակներում կոնկրետ զարգացումներ կան, խոսակցությունները հիմա հենց դրա մասին են: Այս մասին լրագրողներին հայտնել է ՌԴ ԱԳ նախարարի տեղակալ Անդրեյ Ռուդենկոն, փոխանցում է ՌԻԱ Նովոստին:
«Դեռ կան կոնկրետ զարգացումներ, որոնք արվել են ԵԱՀԿ ՄԽ շրջանակներում: Այս պահին խոսակցություններն ընթանում են հենց այդ մասին»,-ասել է նա:
Ռուսաստանցի պաշտոնյան ընդգծել է, որ Մոսկվան աջակցում է հակամարտոթյան քաղաքական կարգավորումը. «Մենք, իհարկե, ելնում ենք նրանից, որ այս հակամարտության ռազմական լուծումը հնարավոր չէ, որոշումը պետք է լինի քաղաքական, համապարփակ որոշում, որը կբավարարի բոլոր հետաքրքիր կողմերի շահերը»,-ասել է նա:
Ռուդենկոն նաև ասել է, որ դեռ վաղ է խոսել Հայաստանի ու Ադջբեջանի ղեկավարների հանդիպման մասին:
«Հիմա բանակցություններ են ընթանում փորձագիտական մակարդակում, առաջին հերթին՝ ՄԽ-ի շրջանակներում, այլ բանի մասին խոսելու համար դեռ վաղ է»,-ասել է նա:
1
2
3
4
5
1
2
3
4
1
2
3
4
5
