Եվս մեկ անգամ ցանկանում եմ շնորհակալություն հայտնել անձամբ Վլադիմիր Վլադիմիրիչ Պուտինին. Ալեն Սիմոնյան
Քաղաքականություն
Արդյո՞ք Հայաստանի բուն տարածքի վրա կրակելը բավարար չէ, որպեսզի Ռուսաստանը գործի:
Այսօր Ազգային ժողովում լրագրողների հետ զրույցում ԱԺ փոխխոսնակ Ալեն Սիմոնյանն ասաց, որ շատ բաներ այսօր բարձրաձայնել ճիշտ չէ, շատ բաների մասին խոսելը ճիշտ չէ. «Իմացեք՝ այն ամենը, ինչը տեղի է ունենում մեր դաշնակցային հարաբերությունների հետ, ավելի քան բավաարար է ու հայկական կողմը լիովին բավարարված է, որի համար նաև ուզում եմ ևս մեկ անգամ շնորհակալություն հայտնել ՌԴ-ին ու նախագահ Վլադիմիր Վլադիմիրիչ Պուտինին»:
Արդյո՞ք խորհրդակցությունները սկսվել են, որոնց մասին Նիկոլ Փաշինյանը Պուտինին ուղղված նամակում գրել էր:
Սիմոնյանը նշել է, որ բացի ֆորմալ բաներից, մշտապես կան շփումներ ու գործողություններ. «Կոչ եմ անում մեր բոլոր քաղաքացիներին, լրագրողներին հստակ տարբերել ֆորմալ գործողությունները, ռեալ գործողությունները, դրան նախորդող ու հետևող գործողությունները:
Միշտ չէ, որ ամեն ինչ միանգամից տեսանելի է: Բայց եթե նայես, թե ինչ իրավիճակի միջով ենք անցել ու կարողանում ենք պատվով դիմակայել, ակնհայտ կդառնա, որ բացի ֆորմալ նամակներից, մեկնաբանություններից, առաջին օրվանից գոյություն ունի գործընթաց, որը շատ էական ազդեցություն է ունեցել»:
1
2
3
4
5
1
2
3
4
1
2
3
4
5
