Նիկոլ Փաշինյանը քրոնիկ ստախոս է, խաբում է միշտ, ցանկացած առիթով. Արթուր Վանեցյան
Քաղաքականություն
Սա մեր երրորդ հանրապետության ամենաամոթալի ու ցավալի էջերից մեկն էր, դրա միակ պատասխանատուն և մեղավորը ՀՀ-ում այսօր պաշտոնավարող դավաճանների խմբակն է, «Պրեսսինգ» հաղորդման շրջանակում ասել է «Հայրենիք» կուսակցության նախագահ Արթուր Վանեցյանը։
«Նրանք վերջին 2.5 տարիներին՝ արտաքին ուժերի ներքո իրականացրին այն ծրագիրը, որն ավարտվեց այս ամոթալի հայտարարության ստորագրումով։ Մինչև վերջին պահը պետական քարոզչամեքենան բոլորիս խաբում և ասում էր, որ հաղթում ենք։ Այն մարդիկ, որոնք փորձում էին ներկայացնել ճշմարտությունը, միանգամից դասվում էին որպես դավաճաններ», - ասել է Վանեցյանը։
Դիտարկմանը, թե նախկինում աշխատել է իր բնորոշմամբ՝ «դավաճանների խմբակի» հետ, Արթուր Վանեցյանը պատասխանել է.
«Ինչպես մեր հասարակության մեծամասնությունը հավատում էր հեղափոխությանը, հույս ունեինք, որ ունենալու ենք նոր որակի Հայաստան։ Որոշ ժամանակ աշխատելով ԱԱԾ տնօրենի պաշտոնում՝ սկսեցի նկատել, որ իրականում այն, ինչ ցուցադրվում է, ինչի մասին խոսվում է, ամբողջը կեղծ է։ Խաբում են բոլորին, խաբում են ամենուրեք։ Նիկոլ Փաշինյանը քրոնիկ ստախոս է, խաբում է միշտ, ցանկացած առիթով, հետո սկսում է արդարանալ, հիմնավորել իր ստերը։ Սկզբում հույս ունեի, որ կկարղանամ կանխել այդ վտանգավոր զարգացումները, բայց ԱԱԾ տնօրենը չէր կարող անել քաղաքական հայտարարություններ, որոնք տարբերվում են երկրի ղեկավարի հայտարարություններից։ Եվ ես ներկայացրեցի հրաժարականի դիմում՝ Նիկոլ Փաշինյանին «կանգ առ»-ի կոչ անելով», - ասել է Արթուր Վանեցյանը։
1
2
3
4
5
1
2
3
4
5
1
2
3
4
5
