Անփառունակ ավարտ. Իմ քայլը խմբակցության երեք կետանոց դատավճիռը

ԱԺ Իմ քայլը խմբակցությունը երեկ հայտարարություն է տարածել այն բանից հետո, երբ տեղի են ունեցել վարչապետի ու կառավարության հրաժարականի կոչերով հանրահավաք եւ երթ, ինչպես նաեւ այդ հարցով ԱԺ արտահերթ նիստ անցկացնելու պահանջ: Հայտարարությունը կրկնում է այս օրերին իշխանությունների թեզերը, իսկ վերջում ընդդիմության պահանջներին ի պատասխան առաջարկվում է պատասխանել 3 հարցի՝ 1. Կողմնակից են ռուսական միջնորդության չեղարկմանը, 2. Կողմնակից են ռուսական խաղաղապահների դուրսբերմանը շփման գծից, 3. Կողմնակից են պատերազմի շարունակմանը, եւ «ներկայացնել առաջարկվող վերսկսվելիք պատերազմում հաղթանակի հասնելու ճանապարհային քարտեզը»:

Այս տարիների ընթացքում 88 հոգանոց խմբակցությունը նույնիսկ 8 տող ի վիճակի չեղավ երկնել այն մասին, թե ինչպես է պատկերացնում Հայաստանի պետական եւ անվտանգային հիմնախնդիրների լուծումը, ինչպես է հիմնավորելու Հայաստանի դերն ու տեղը միջազգային լայն խնդիրների համատեքստում, որը Հայաստանը զերծ կպահեր ցնցումներից ու սպառնալիքներից: Այս տարիներին միջազգային գործընկերներն այդպես էլ չհասկացան, թե ինչ է ուզում Հայաստանը եւ ինչու իրենք պիտի ձեռնարկեն այս կամ այն քայլը:

Դա հատկապես ընդգծվեց պատերազմական օրերին, եւ ընդգծվեց իշխանության ներկայացուցիչների արձագանքներում, որոնք 45 օր շարունակ խոսում էին միայն նոր ցեղասպանության վտանգից ու ահաբեկիչներից, մուննաթով ու խղճահարության ակնկալիքով: Ավելորդ է ասել, որ դա քաղաքականություն չէ, քաղաքականությունն այն է, թե ինչու եւ ինչ ես առաջարկում աշխարհին քո գոյության դիմաց, գոյություն մուրալու փոխարեն:

Ռուսաստանով հրաժարական պահանջող ուժերին ակնարկներն ու վախեցնելը դրա վառ արտահայտությունն է, պրիմիտիվ հնարք ընդդիմության դեմ, որն առնչություն չունի իրականության հետ: Եթե իշխանությունն ունենար քաղաքական իրողությունների ու խնդիրների գիտակցում, այսօր Հայաստանը կարող էր առնվազն մասնակից լինել նրան, ինչ ներկայում անում է Ռուսաստանը՝ շրջանի վերաձեւումը, որը կպահպաներ Հայաստան-Արցախի սուբյեկտությունը:

Շարունակություն...