Ժամանակը սպառվում է, ո՞վ է կռիվ տալու հայկական իրավունքների վերջին հնարավորության համար
Քաղաքականություն
Երեւանում դրամատիկ իրադարձություններ են տեղի ունենում նոյեմբերի 9-ի եռակողմ հայտարարությունից հետո: 17 կուսակցություններ Նիկոլ Փաշինյանի հրաժարականի պահանջով հանրահավաքներ ու երթեր են սկսել, մեղադրելով դավաճանական փաստաթուղթ ստորագրելու համար եւ հայտարարելով, որ գնալու են մինչեւ վերջ: Իշխանությունը պատասխանել է ձերբակալություններով, նաեւ իր կողմնակիցներին կոչ անելով վրեժ լուծել «թիկունքի դավաճաններից»: Ներքաղաքական լուրջ ճգնաժամ է, ընդհուպ բախումների սպառնալիքով:
Այս ընթացքում ռուսներն ու թուրքերը ձեւակերպում են Ղարաբաղի օկուպացիան, առայժմ վիճելով մանր թվացող դետալների շուրջ, որոնք իրականում կենսական նշանակություն ունեն նախեւառաջ հայկական կողմի համար: Այնուամենայնիվ, դեռ կռիվ տալու տեղ կա հայկական իրավունքների համար, մասնավորապես Ղարաբաղի տարածքների ու բնակչության վերադարձի առումով: Կա Մինսկի խմբի համանախագահության հարթակը, որը Մոսկվան ու Անկարան փորձում են շրջանցել, թեեւ Մոսկվան որպես այդ ձեւաչափի անդամ անորոշ հայտարարություններ է անում դրա շրջանակում վերջնական կարգավորման մասին:
Տխրահռչակ հայտարարությունից մի քանի օր հետո ՀՀ ԱԳ նախարարը հեռախոսազրույց է ունեցել համանախագահ երկրների իր գործընկերների հետ եւ նշել, որ հայտարարությունը վերջնական կարգավորում չէ եւ դա պետք է տեղի ունենա Մինսկի խմբի համանախագահության ձեւաչափում՝ Արցախի ժողովրդի ինքնորոշման, անվտանգության եւ բնակչության վերադարձի պարտադիր լուծմամբ: Ֆրանսիան ու ԱՄՆ-ն կողմ են արտահայտվում դրան, Ռուսաստանի ԱԳ նախարար Լավրովը երեկ կրկին լղոզեց կարգավիճակի թեման, այն համարելով չափազանց բարդ խնդիր:
Փոխարենը, երեկ Լավրովը եւ Չավուշօղլուն մատ թափ տվեցին Հայաստանի վրա: Չավուշօղլուն Նիկոլ Փաշինյանին զգուշացրեց, որ նրա ձեռքերը կապված են, եւ փաստաթղթից հրաժարվելու դեպքում պատիժը խիստ կլինի: Իր հերթին, Լավրովը հայտարարեց, որ Հայաստանի ընդդիմությունը մանիպուլյացիաներ է անում, նկատի ունենալով փաստաթղթի որակումները, թեեւ այդ նույն ընդդիմությունը որեւէ կերպ չի մեղադրում Ռուսաստանին:
1
2
3
4
5
1
2
3
4
5
1
2
3
4
5
