Ռուսաստանը կախում է ուղղաթիռը Բաքվի վրա. Պուտինը ստորագրեց մուտքը

Ռուսաստանի քննչական մարմինները քրգործ են հարուցել նոյեմբերի 9-ի երեկոյան Հայաստանի եւ Նախիջեւանի սահմանին Ռուսաստանի Դաշնության զինուժին պատկանող Մի 24 ուղղաթիռի խոցման առնչությամբ: Մոսկվան միաժամանակ նշել է, որ սպասում են խոցման մեղավորներին պատժելու Իլհամ Ալիեւի խոստման իրականացմանը:

Հայտնի է, որ դեպքից անմիջապես հետո Բաքվի ԱԳՆ-ն ներողություն խնդրեց Ռուսաստանից եւ արդարացավ, որ տեղի է ունեցել թյուրիմացություն, իրենք չեն իմացել, որ դա ռուսական ուղղաթիռ է: Բաքուն խոստացավ նաեւ փոխհատուցում: ՌԴ ԱԳՆ-ն գոհունակություն հայտնեց այդ ներողության առնչությամբ: ՌԴ նախագահի խոսնակ Դմիտրի Պեսկովը այսօր հայտարարել է, որ Ռուսաստանն ընդունեց ներողությունը, որովհետեւ Ադրբեջանի նախագահը խոստացել է պատժել մեղավորներին:

Հատկանշական է, որ ուղղաթիռի խոցումը տեղի ունեցավ այն օրը, երբ հայտնի դարձավ պատերազմի դադարեցման հայտնի հայտարարության մասին, որ կնքեցին ՌԴ-ն, Հայաստանն ու Ադրբեջանը: Արդյոք այս հանգամանքը որեւէ դեր կամ ազդեցություն է ունեցել համաձայնագրի հարցում: Հայկական կողմն օրինակ հայտարարում է, որ դա պատերազմը կանգնեցնելու եւ Արցախի ամբողջական կորուստ թույլ չտալու առավելագույն հնարավորությունն էր:

Միեւնույն ժամանակ, Ռուսաստանը ամեն գնով ձեռնպահ էր մնում Արցախում ուղիղ միջամտությունից: Դրա պատճառը Արցախում ռուսական ռազմական ներկայության համար Ադրբեջանի ստորագրություն ստանալն էր:

Հատկանշական է, որ նոյեմբերի 9-ին նախորդող օրերին Մոսկվան նկատելիորեն բարձրացրեց իր ներգրավվածությունն իրավիճակին՝ Նիկոլ Փաշինյանը նամակով դիմեց Պուտինին հայ-ռուսական փոխօգնության պայմանագիրը գործի դնելու համար: Հայտարարության ստորագրումից առաջ Նախիջեւանի սահմանին թռիչք էր իրականացնում ՌԴ ռազմական ուղղաթիռը, որն ուղեկցում էր ռուսական շարասյանը: Ուղղաթիռի խոցումը ստեղծում էր նաեւ Ռուսաստանի համար Ադրբեջանի դեմ կոշտ հարվածային գործողության առիթ: Բաքուն համաձայնեց կանգնել եւ թույլ տալ Ռուսաստանի խաղաղապահների մուտքը Արցախ:

Ռուսաստանը փաստացի ռազմաբազա է տեղակայում Արցախում, ինչը նրան հնարավորություն է տալիս գործել նաեւ հայտարարության շրջանակից դուրս: ՌԴ նախագահ Պուտինը ստորագրել է Ղարաբաղում խաղաղապահների վերաբերյալ հրամանագիրը, ինչը նշանակում է գործընթացի անշրջելիության կետ: Այդ կետում Թուրքիայի արտգործնախարար Չավուշօղլուն սպառնալիք էր հնչեցրել Հայաստանի հասցեին, թե Երեւանի ձեռքերը կապված են եւ չպետք է շեղվել համաձայնագրից: Այդ կետում էլ հնչեց Նիկոլ Փաշինյանի ուղերձը եռակողմ հայտարարության վերաբերյալ:

Շարունակություն...