Հանդիսավոր արարողությամբ նշվեց Ռումինիայի ազգային օրը (լուսանկարներ)
Հասարակություն
Նոյեմբերի 29-ին հանդիսավոր արարողությամբ նշվեց Ռումինիայի ազգային օրը: Հայաստանում Ռումինիայի արտակարգ և լիազոր դեսպան Սորին Վասիլեն միավորել էր հայաստանյան դիվանագիտական, պետական, մշակութային կառույցների ներկայացուցիչներին:
Ներկա էին Հայաստանում ՌԴ դեսպան Իվան Վոլինկինը, Լիտվիայի դեսպան Էրիկաս Պետրիկասը, ՀՀ ԱԺ փոխնախագահ Հերմինե Նաղդալյանը, ԱԺ պատգամավորներ Կարինե Աճեմյանը, Էդմոն Մարուքյանը, Էջմիածնի քաղաքապետ Կարեն Գրիգորյանը, պաշտոնատար այլ անձինք: Միջոցառմանը հրավիրված էին նաև «Միասնություն» համազգային շարժման խորհդի նախագահ Արման Վարդանյանը, խորհրդի անդամ Խաչիկ Գալստյանը:
Դեսպանն իր խոսքում նախ շնորհակալություն հայտնեց ներկաներին՝ իր հրավերն ընդունելու համար, այնուհետև կրկնակի կարևորեց կազմակերպված միջոցառումը, քանի որ այս տարի տոնվում է նաև Բուխարեստ-Երևան երկկողմ հարաբերությունների 25-ամյակը:
«Հպարտ եմ նշել, որ Ռումինիայի կառավարության աջակցությամբ և ֆինանսական դրամաշնորհների օգնությամբ՝ տարբեր ոլորտներում բազմաթիվ հաջողված ծրագրեր են իրականացվել Հայաստանում»,- ասաց դեսպանը՝ հավելելով, որ 2016 թվականը զգալի աճ է բերել երկկողմ առևտրատնտեսական, մշակութային և սոցիալական ոլորտներում: Դեսպանը հիշեցրեց նաև, որ իր երկիրն առաջինն է ճանաչել Հայաստանի անկախությունը և այսօր գնահատում են Հայաստանի վճռականությունն ու ձեռքբերումները՝ ժողովրդավարության կայացման ճանապարհին:
1
2
3
4
5
1
2
3
4
5
2
4
