Դիմակավորված անձանց նկարները, վիդեոներն ուղարկել եմ միջազգային բոլոր կառույցներին. Նաիրա Զոհրաբյան
Քաղաքականություն
«Մեր բողոքի ցույցերը շարունակվում են, մինչև Արցախն Ալիևի առաջ ծնկի բերած Նիկոլ Փաշինյանը հեռանա»,- այս մասին Ազատության հրապարակում լրագրողներին ասաց ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը։
«Մենք լսեցինք Մովսես Հակոբյանի բացահայտումները։ Այն, ինչ ասաց գերներալը, դրանք լիուլի բավարար են Նիկոլ Փաշինյանի դեմ քերական գործ հարուցելու համար։ Նիկոլ Փաշինյանը պիտի հեռանա, որպեսզի Հայաստանը ունենա ապագա»,- հավելեց նա։
Նաիրա Զոհրաբյանն ասաց, որ իրենց ցույցները չեն դադարելու, ինչքան էլ իշխանությունը փորձի բռնաճնշումներով, տարբեր օլիգարխների թիկնապահների դիմակներ հագցնելով՝ կանխել դրանք։
«Նշված դիմակավորված անձանց նկարները, վիդեոները ես ուղարկել եմ միջազգային բոլոր կառույցներին, դիմել եմ ոստիկանապետին և ԱԱԾ-ին։ Կան տեղեկություններ, որ այդ դիմակավոր անձինք կոնկրետ օլիգարխների թիկանպահների ջեկատներից էին։ Թող բացահայտեն, թե ովքեր էին սև դիմակավոր անձինք, ովքեր դաժանորեն ցրում էին խաղաղ երթերն ու ցույցերը»,- հավելեց նա։
1
2
3
4
5
1
2
3
4
5
2
3
4
5
