Մալիշևան նշել է թոքերի համար ամենաօգտակար մթերքները
LifeԲժշկական գիտությունների դոկտոր և հաղորդավարուհի Ելենա Մալիշևան «Жить здорово!» հաղորդման եթերում նշել է թոքերի համար ամենաօգտական մթերքները: Թողարկումը հրապարակված է YouTube-ում:
Թոքերի համար ամենաօգտակար մթերքների ցուցակում հայտնվել են բրոկկոլին, սկումբրիան և քրքումը: Հաղորդման ընթացքում նշել են, որ բրոկկոլին պարունակում է սուլֆորաֆան՝ միացություն, որը հակաուռուցքային ազդեցություն ունի: Բժիշկ Դմիտրի Շուբինը նշել է, որ 2018 թվականին Ճապոնիայում անցկացված հետազոտությունը ուղիղ կապ է գտել բրոկկոլիի օգտագործման և թոքերի քաղցկեղի ռիսկի նվազման միջև:
- Խաչածաղկավորները, մասնավորապես՝ բրոկկոլին, օգնում են հաղթահարել քաղցկեղը,- ասել է Շուբինը:
Բժշկի համաձայն՝ սկումբրիան պարունակում է օմեգա-3 պոլիչհագեցած ճարպաթթուներ: Դրանց հակաբորբոքային ազդեցության շնորհիվ, բրոնխիալ ասթման զգալիորեն թեթև է ընթանում: Իսկ քրքումը նպաստում է թոքերի քրոնիկ օբստրուկտիվ հիվանդության ժամանակ բորբոքային ռեակցիաների նվազեցմանը:
Նյութը հրապարակման պատրաստեց Լիլիթ Ամիրաղյանը
1
2
3
4
5
1
2
3
5
1
2
3
4
5
