Լիսկան մի պատանու է ծեծել, իսկ նրա եղբայրը՝ փորձել բռնաբարել մի աղջկա․ ամերիկյան աղբյուրներ
Հասարակություն
Aniarc կայքը գրում է․
2008 թվականի մայիսի 20-ին Հայաստանում ԱՄՆ գործերի ժամանակավոր հավատարմատար Ջոզեֆ Փենինգտոնը պետքարտուղարություն ուղարկած հեռագրում տեղեկացրել է, որ 2008-ի ապրիլին Սյունիքի մարզպետ Սուրիկ Խաչատրյանը ծեծել է գորիսցի մի պատանու՝ ջարդելով ծնոտը:
Փենինգտոնը վկայակոչել է Առավոտ օրաթերթի ապրիլ 23-ի համարի տեղեկատվությունը, համաձայն որի մարզպետը ծեծել է պատանուն, քանի որ վերջինս վեճ է ունեցել իր որդու հետ:
Հավատարմատարը անմիջապես հավելում է, որ մարզպետի կամ նրա ընտանիքի հետ կապված սա առաջին սկանդալը չէ: Ամերիկացի դիվանագետը նշել է, որ մարզպետի եղբայրը 2007-ին փորձել էր օրը ցերեկով սուպերմարկետում մի աղջկա բռնաբարել:
Փենինգտոնը հեռագրի վերջում մարզպետ Խաչատրյանին ներկայացնում է որպես ավազակ, ով Սյունիքում իշխում է երկաթե ձեռքով (Syunik’s governor has a long-standing, well-deserved reputation as a thug who rules the distant southern province with an iron grip):
Ամերիկացի դիվանագետը նշում է նաև, որ Հայաստանում քիչ չեն դեպքերը, երբ մարզպետները, գեներալները, օլիգարխներն ու նրանց երեխաները և թիկնապահները մարդ են ծեծում, անգամ՝ սպանում:
1
2
3
4
5
1
2
3
4
5
2
4
