Բժշկի խորհուրդները՝ կորոնավիրուսից ապաքինվածներին

Բժիշկ-իմունոլոգ Վլադիմիր Բոլիբոկը «Вечерняя Москва»-ի հետ զրույցի ընթացքում խորհուրդներ է տվել կորոնավիրուսից ապաքինվածներին: Նյութը վերցրել ենք «РИА Новости»-ից:

Բոլիբոկն առողջացածներին խորհուրդ է տվել սննդակարգում ներառել մեծ քանակությամբ հակաօքսիդանտներ, որոնք պարունակվում են, օրինակ՝ կանաչ թեյում և ցիտրուսներում:

-Այս ամենն օգնում է վերականգնել օրգանիզմում հակաբորբոքային նյութերի հավասարակշռությունը և վերացնել բորբոքային ռեակցիան, - պարզաբանել է բժիշկը:

Աշխատանքի վերադառնալիս պետք է հաշվի առնել ինքնազգացողությունը. եթե աշխատանքն ուժեղ ֆիզիկական ծանրաբեռնվածություն չի պահանջում, կարելի է լրիվ դրույքով աշխատել:

-Ամեն ինչ պետք է ինքնազգացողությանը համապատասխան լինի: Մտավոր և ֆիզիկական ծանրաբեռնվածությունը պետք է մեծացնել աստիճանաբար, - շեշտել է Բոլիբոկը:

Նյութը հրապարակման պատրաստեց Լիլիթ Ամիրաղյանը