Խաղաղության համար տարածքներ զիջելը նվաստ մարդու կարծիք է. Բադասյան
Քաղաքականություն
«Արցախահությունը մեկ միասնական տեսակետ ունի՝ Լեռնային Ղարաբաղի հակամարտության կարգավորման համար որևէ զիջում, հողերի հանձնում լինել չի կարող»:
Այս մասին այս պահին ընթացող քննարկման ժամանակ հայտարարեց Արցախի առաջին պատերազմի վետերան, Մարտական խաչի ասպետ Վահան Բադասյանը:
«Արցախի մեջ, ինչքան էլ փորփրում ենք, միայն մեկ տեսակետ կա՝ չզիջել: Վերջերս իշխանությունների կողմից կազմակերպվել է սոցհարցում ու մարդկանց այն խավի հետ են կազմակերպել, որ արտահայտվեն զիջմանը կողմ: Սակայն, ի ուրախություն բոլորիս, 95 տոկոսը զիջումներին դեմ են արտահայտվել»,-ասաց նա:
Վահան Բադասյանի խոսքով՝ իրավիճակից ելքը մեկն է՝ հասարակությունը պետք է միավորվի ու հիմնահարցը լուծի քաղաքական ճանապարհով:
«Պետք է լինի Արցախի ու Հայաստանի միացում: Սա անհապաղ պետք է դրվի օրակարգի առաջին տեղում: Արցախի ու Հայաստանի միացումը պետք է դրվի օրակարգի մեջ ի հեճուկս բոլոր նրանց, ովքեր ուզում են արցախահությանը խեղդել: Խոսքս միջազգային կառույցների մասին է: Ոչ թե պատերազմ պետք է սկսել, այլ բանակը հզորացնել, սպառազինվել, ուժեղ բանակ ստեղծել, պատերազմին պատրաստ, որ պատերազմ չստեղծվի: Տարածքներն ընդդեմ խաղաղության սկզբունքը նվաստ մարդու, կամքից թույլ մարդու կարծիք է: Իսկ հզոր բանակը մեծ ուժ է, որի հետ աշխարհը հաշվի կնստի»,- նշեց Բադասյանը:
1
2
3
4
5
1
2
3
5
2
3
4
5
