Բեռնարդո Բերտոլուչին խիստ քննադատության է ենթարկվել ֆիլմում բռնաբարության տեսարանի համար (տեսանյութ 18+)
LifeԻտալացի ռեժիսոր Բեռնարդո Բերտոլուչիին քննադատել են «Վերջին տանգոն Փարիզում» հանրահայտ ֆիլմում բռնաբարության տեսարանի համար, հաղորդում է Associated Press-ը։
Հատկանշական է, որ քննադատության ալիք է բաձրացրել ֆիլմի թողարկումից 44 տարի անց։ Վերջերս վերահրատարակվել է Բերտոլուչիի հարցազրույցը, որը նա տվել է 2013 թվականին։ Ռեժիսորի խոսքով՝ ո՛չ ինքը, ո՛չ գլխավոր դերակատար 48-ամյա Մարլոն Բրանդոն 19-ամյա Մարիա Շնայդերին չեն պատմել բռնաբարության դրվագի մասին, քանի որ Բերտոլուչին ցանկացել է, որպեսզի Շնայդերը արձագանքի «որպես աղջիկ, այլ ոչ թե որպես դերասանուհի»։
Նույն հարցազրույցի ժամանակ Բերտոլուչին ասել է, որ Շնայդերն ատել է իրեն ամբողջ կյանքի ընթացքում։ Ինչ վերաբերվում է սկանդալային տեսարանին, ապա ռեժիսորը չի ափսոսում, բայց մեղքի զգացում ունի։ Ռեժիսորի խոստովանությունն առաջացրել է կինոյի մի շարք գործիչների բուռն քննադատությունը։ Բացասական մեկնաբանություններով հանդես են եկել դերասանուհի Ջեսիկա Չեսթեյնը, Աննա Կենդրիկը, դերասան Քրիս Էվանսը։
Շնայդերը մահացել է 2011թ․ 58 տարեկան հասակում։ Մահից առաջ նա բազմիցս պատմել է ֆիլմում այդ հայտնի տեսարանի մասին՝ նշելով, որ «մի քիչ բռնաբարված է զգացել իրեն»։
1
2
3
4
5
1
2
3
4
5
1
2
3
4
5
