69-ամյա հայ տղամարդ է սպանվել ռուս ազգայնամոլների ձեռքով
Աշխարհ
Օգոստոսի լույս 12-ի գիշերը Մոսկվայի Ռյազանի պողոտայում սքինհեդը դանակով հարձակվել է հայի վրա. ստացած վնասվածքներից վերջինս տեղում մահացել է: Այս մասին հայտնում է «Մոսկովսկի կոմսոմոլեցը»:
«Առավոտյան ժամը 5-ին «Ռյազանի պողոտա» մետրոյի մերձակա առևտրի կետերի մոտով ոչ սթափ վիճակում անցել են 3 երիտասարդներ: Շրջապատողներն ուշադրություն են դարձրել, որ այդ մարդկանց ոտքերին եղել են բանակային մեծ երկարաճիտ կոշիկներ: Գարեջրատան մոտ աթոռին նստած է եղել դրա սեփականատեր՝ 69-ամյա ազգությամբ հայ Լև Քամալյանը: Ագրեսիվ երիտասարդները դանակով հարձակվել են նրա վրա և դանակը խրել ուղիղ նրա սրտի մեջ: Նա անմիջապես մահացել է»,- գրում է պարբերականը:
Երիտասարդները հարձակվել են նաև առևտրի կետի այցելու՝ ազգությամբ ղրղըզ 36-ամյա Նուրիկ Մունդուզովի վրա: Նա ևս տեղում մահացել է: Հաղորդվում է, որ վնասվածքներ է ստացել նաև ականատեսներից մեկը. վերջինս հոսպիտալացվել է:
Պարբերականը հայտնում է, որ հարձակում գործած անձինք եղել են սքինհեդներ:
Ոստիկանությունը որոնում է մարդասպաններին:
1
2
3
4
5
2
3
5
1
2
3
4
5
