Ինչու է Նիկոլ Փաշինյանը գնում Մոսկվա ու ինչ է ուզում ստանալ Պուտինից. Ռուս փորձագետի տեսակետը
Քաղաքականություն
Այցի ժամանակ Նիկոլ Փաշինյանը կփորձի Մոսկվայից աջակցություն ստանալ հունիսի 20-ին Հայաստանում կայանալիք արտահերթ խորհրդարանական ընտրություններից առաջ: Այս մասին հայտարարել է Եվրասիական զարգացման փորձագիտական կենտրոնի գործադիր տնօրեն Ստանիսլավ Պրիտչինը:
«Ես կարծում եմ, որ քննարկվելու են հայ-ռուսական համալիր հարաբերությունները: Քաղաքական առումով Նիկոլ Փաշինյանի համար կարևոր է ստանալ Պուտինի աջակցությունը Հայաստանում կայանալիք ընտրությունների շեմին, ստանալ արտաքին լեգիտիմիզացիա»,-ասել է նա:
Վերլուծաբանը հիշեցնում է, որ երկրի ներսում Փաշինյանի վարկանիշն իջել է. «Հանրության մի մասը բացասական են գնահատում Լեռնային Ղարաբաղի հարցով նրա բանակցությունների արդյունքները և հայկական իշխանությունների այն մոտեցումը, որը եղավ հակամարտության շրջանակներում: Կա «միջուկային» էլեկտորատ, որն աջակցում է Փաշինյանին, սակայն այն անհամեմատ փոքր է, եթե համեմատենք 2018 թվականի ընտրությունների հետ, երբ Փաշինյանը եկավ իշխանության: Նրա համար սա նոր իրականություն է, և իհարկե այստեղ նրա համար աջակցությունը կարևոր է ընտրություններին վստահ մոտենալու համար՚,-ասել է նա:
«Հիմա մենք տեսնում ենք, որ իրավիճակը քիչ թե շատ դրական է դասավորվում Նիկոլ Փաշինյանի ու նրա թիմի համար: Ամենայն հավանականությամբ, ընտրությունների արդյունքում, եթե արտառոց որևէ բան տեղի չունենա, նա կմնա իշխանության»,-հավելել է նա:
Փարձագետի խոսքերով, Մոսկվայում կայանալիք բանակցություններում քննարկվելու են ինչպես տնտեսական, այնպես էլ՝ քաղաքական հարցեր, ինչպես նաև՝ նոր պայմաններում երկկողմանի հարաբերությունների հնարավորությունները:
1
2
3
4
5
1
2
3
4
5
2
5
