Ըմբշամարտի ԵԱ․ Չալյանը պարտվեց բրոնզի համար պայքարում
ՍպորտԼեհաստանում ավարտին մոտեցող ըմբշամարտի Եվրոպայի առաջնությունում 87 կգ քաշային Կարապետ Չալյանը բրոնզե մեդալի համար պայքարում մրցեց Վրաստանի ներկայացուցիչ Աիվենգո Ռիկաձեի հետ ու պարտություն կրեց 2-3 հաշվով։ Այսպիսով, Չալյանը, որն արդեն ապահովել է իր մասնակցությունը Տոկիոյի Օլիմպիական խաղերին, չկարողացավ մեդալ նվաճել Եվրոպայի ընթացիկ առաջնությունում։
Նշենք՝ Կարապետ Չալյանը պայքարը սկսել էր որակավորման փուլից, որտեղ 9-0 հաշվով հաղթանակ էր տարել Ֆինլանդիայի ներկայացուցչի նկատմամբ։ 1/8 եզրափակչում, սակայն, մեր հայրենակիցը 5-3 հաշվով զիջել էր Ռուսաստանի ներկայացուցիչ Ադլան Ակիևին։ Ռուս ըմբիշը դուրս է եկել եզրափակիչ, ինչի արդյունքում Չալյանը սփոփիչ գոտեմարտեր անցկացնելու իրավունք էր ստացել։
Առաջին սփոփիչ գոտեմարտում Չալյանը 8-0 հաշվով վստահ հաղթանակ էր տարել Շվեյցարիայի ներկայացուցիչ Մարկ Վեբերի նկատմամբ, իսկ երկրորդում 5-4 հաշվով առավելության էր հասել ուկրաինացի Յարոսլավ Ֆլիչակովի նկատմամբ։
Ավելին՝ այստեղ
1
2
3
4
5
1
2
3
4
5
1
2
3
4
