Մենք  պետք է զարգացնենք մեր ռազմաարդյունաբերությունը

«Նովոստի–Արմենիա» միջազգային լրատվության գործակալությանը  տված հարցազրույցում ԱԺ նախկին պատգամավոր,  գործարար Տիգրան Արզաքանցյանը, ով ըստ  շրջանառվող լուրերի վերադառնում է մեծ քաղաքականություն  ասել է, որ  մենք պետք է համախմբվենք մեր երկրում և  կարողանանք զարգացնել և տնտեսությունը, և  բանակաշինությունը, և ներքին, և արտաքին  ոլորտներում ունենանք մեծ ցուցանիշներ․ «Մենք պետք է սիրենք և զարգացնենք մեր երկիրը, մեր տնտեսությունը, մեր բանակաշինությունը և ներքին և արտաքրն բոլոր ոլորտներում ունենանք բարձր ցուցանիշներ։ Իսկ զարգացնելու համար առաջինը պետք է  որակյալ մասնագետներ ներգրավենք մեր արտադրության մեջ»։

Խոսելով Հայաստանի տնտեսության մասին Տիգրան Արզախանցյանն` ասել է․ «Այսօր մեր երկիրը տնտեսական ճգնաժամի մեջ է  և մենք պետք է կարողանանք բոլորով միասին տարբեր ծրագրեր մշակենք, տարբեր ոլորտներում։ Մենք այսօր տեխնոլոգիական դարում ենք ապրում։ Առաջինը մենք այսօր պետք է զարգացնենք մեր ռազմաարդյունաբերությունը, մենք պետք է ոչ թե լինենք գնորդի, այլ՝ արտադրողի դերում։ Ձախողած պատերազմը մեզ համար մեծ օրինակ եղավ, որ մեր հարևանները փակում էին ճանապարհը  և թույլ չէին տալիս, որ զենքի օգնություն ստանանք և թշնամու հետ պայքարեինք։ Այդ ամենը մենք պետք է հաշվի առնենք  և դա մեզ փորձանք եղավ։ Ես Հայաստան եմ եկել 1997 թվականին և այդ ժամանակ էլ Հայաստանում տնտեսական ճգնաժամ էր և հիմա կարող եմ ասել, որ այդ ամենի շարունակությունն է։ Պետությունը մեզ համար պետք է ստեղծի լավ պայմաններ  գյուղատնտեսության, արդյունաբերության մեջ։ Պետք է տարբեր ֆինանսավորումներ լինեն, որ կարողանան զարգացնել իրենց ոլորտը։ Ցավոք սրտի շատերը այդ ամենից չեն օգտվում։ Ամենակարևորը, որ  պետք է ձեռնարկատերերին տանք լավ պայմաններ, որ կարողանան իրենց բոլոր ծրագրերը իրականացնել, մենք պետք է բացենք աշխատատեղեր, որ մարդիկ կարողանան աշխատել։ Կան աշխատատեղեր որտեղ համապատասխան մասնագետներ չկան և դրա համար պետք է բացենք հատուկ ուսումնարաններ, որ մարդկանց կարողանանք կրթել և կարողանանք պատրաստել լավ մասնագետներ։ Մենք Հայաստանում ունենք մասնագետների խնդիր»։

Սոնա Գիշյան