Հայաստանում հայտնի են դարձել «Կյանքի էներգիա» ֆոտոմրցույթի հաղթողները

Հայաստանում որոշվել են երկրի ատոմային ոլորտի 55-ամյակին նվիրված «Կյանքի էներգիա» ֆոտոմրցույթի հաղթողները։

Ֆոտոմրցույթի կազմակերպիչներն են՝ Հայկական ԱԷԿ-ը և «Ռոսատոմ» պետկորպորացիան, ՀՀ տարածքային կառավարման և ենթակառուցվածքների նախարարության, Կրթության, գիտության, մշակույթի և սպորտի նախարարության, ինչպես նաև Երևանում և Գյումրիում գիտության և մշակույթի ռուսաստանյան կենտրոնների հետ համագործակությամբ։

Մրցույթին մասնակցում էին պրոֆեսիոնալ և սիրողական լուսանկարիչներ, Հայկական ԱԷԿ-ի աշխատակիցներ և Հայաստանի բնակիչներ, ովքեր ցանկանում էին կիսվել իրենց «կյանքի էներգիայով»:

Ուղարկվել են Հայկական ԱԷԿ-ի լուսանկարներ, աշխատանքներ, որոնք ցույց են տալիս մեր բնության անհավանական գեղեցկությունը: Ընդհանուր առմամբ, մրցույթին ներկայացվել էր ավելի քան 120 լուսանկար: Զարմացրեց նաև «ֆոտոգործիքների» բազմազանությունը. մասնակիցները լուսանկարում էին թվային ֆոտոխցիկներով, սմարթֆոններով և նույնիսկ դրոներով: Հատուկ ջերմությամբ ուրախացրեցին ընտանեկան արխիվներից ուղարկված լուսանկարները, որոնք արվել էին ժապավենային ֆոտոխցիկով:

Մասնակիցների աշխատանքները գնահատել են ժյուրիի անդամներ՝ Մարգարիտա Բալայանը, Տարածքային կառավարման և ենթակառուցվածքների նախարարության էներգետիկայի վարչությանատոմային էներգետիկայի բաժնի պետ Արկադի Պապոյանը, Կրթության, գիտության, մշակույթի և սպորտի նախարարության արտաքին կապերի վարչության պետ Պայքար Գաբոյանը, Հայկական ԱԷԿ-ի ինժեներ Դավիթ Հակոբյանը, լուսանկարիչ, որը երկար տարիներ լուսաբանում էր Հայաստանում և աշխարհում տեղի ունեցող իրադարձությունները, իր տեսախցիկների օբյեկտիվում՝ աշխարհի պետությունների ղեկավարներ, մշակույթի և սպորտի մեծ գործիչներ, Արամ Ներսեսյանը, «Sputnik Արմենիա» լրատվական գործակալության ֆոտոլրագրող։

«Նման մրցույթների անցկացումը ոչ միայն նպաստում է ատոմային էներգետիկայի օբյեկտիվ ներկայացմանը, այլև հոգատար վերաբերմունք է ձևավորում բնության նկատմամբ, ցույց է տալիս հիանալի օրինակներ, թե ինչպես է հնարավոր համատեղել տեխնոլոգիաները և չվնասել շրջակա միջավայրին:

Մասնակիցների բոլոր լուսանկարները թույլ են տալիս մի պահ կանգ առնել և տեսնել, թե ինչ հրաշալի երկրում ենք ապրում և որքան կարևոր է մտածել դրա ապագայի մասին», - ասաց Մարգարիտա Բալայանը, Տարածքային կառավարման և ենթակառուցվածքների նախարարության էներգետիկայի վարչությանատոմային էներգետիկայի բաժնի պետ:

Մրցույթի շրջանակներում որոշվել են 6 հաղթողներ: Առաջին եռյակինընտրեցին ժյուրիի անդամները, իսկ լավագույն աշխատանքները մասնակցեցին «Հանդիսատեսի համակրանքի» մրցանակի քվեարկությանը Facebook սոցիալական ցանցում ՝ «Look Around Armenia» կրթական նախագծի էջում:

Մրցույթի կազմակերպիչները `Հայկական ԱԷԿ-ը և «Ռոսատոմ» պետկորպորացիան, երկու մասնակիցներինպարգևատրեցին հատուկ մրցանակներ:

«Կյանքի էներգիա» ֆոտոմրցույթը նվիրված է կարևոր հոբելյանին՝ Հայաստանի ատոմային ոլորտի 55-ամյակին: Հայկական ԱԷԿ-ի աշխատակիցներն աշխատում են ամենայն պատասխանատվությամբ ու նվիրվածությամբ`բնակչությանը ապահովելով անհրաժեշտ էլեկտրաէներգիայով: Մենք շատ ուրախ ենք տեսնել, որ մրցույթին ուղարկված լուսանկարները ջերմություն են փոխանցում ի պատասխան մեզ:

Ընտրություն կատարելը հեշտ չէր, բայց Հայկական ԱԷԿ-ի հատուկ մրցանակով մենք որոշեցինք առանձնացնել Կարեն Սարգսյանի աշխատանքը, որը, մեր կարծիքով, ցույց է տալիս բնության և ատոմային օբյեկտի համերաշխությունը: Լուսանկարում հստակ կարելի է տեսնել ԱԷԿ-ի անվտանգությունն ու էկոլոգիապես մաքուր լինելը, ԱԷԿ-ի շրջակայքում եղած գեղեցկությունը», - ասաց Հայկական ԱԷԿ-ի տնօրեն Էդուարդ Մարտիրոսյանը:

«Դեռ երեկ մենք հիանում էինք  տեխնոլոգիայի միջոցով ստացված մշուշոտ նկարներով, բայց այժմ առաջընթացը անսահման հնարավորություններ է տալիս. Մենք նույնիսկ հեռավոր աստղեր կարող ենք տեսնել», -ասաց Յուրի Սվիրիդենկոն՝ Հայկական ԱԷԿ-ի արդիականացման նախագծի ռուսական կողմից ղեկավար- «Մեծ հայտնագործությունների հետևում միշտ մարդ է կանգնած, և Ռոսատոմը պատրաստ է աջակցել տաղանդների բացահայտմանն ու աջակցմանը միտված նախագծերին:

Ավելին՝ այստեղ