Նոր մանրամասներ տղային դանակահարած 21-ամյա աղջկա մասին

Նախօրեին մայրաքաղաքի հյուրանոցներից մեկում աղջկա կողմից 24-ամյա երիտասարդի դանակահարության դեպքով «Փաստինֆո»-ին նոր տեղեկություններ է հայտնի դարձել:
Մեր տեղեկություններով՝ դանակահարվող երիտասարդը օդաչու է, վերջինս աղջկան օգնություն ցուցաբերելու նպատակով նրան տարել է հյուրանոց, որտեղ աղջիկը պետք է գիշերեր, իսկ առավոտյան երիտասարդն աղջկան պետք է տաներ իրենց տուն:
Բանն այն որ, աղջիկը մոր հետ վիճաբանելու պատճառով տանից հեռացել է և այլընտրանք չունենալով՝ գիշերել է տարբեր տեղերում, իսկ այդ օրը երիտասարդն աղջկա խոստացել է, որ նրան տուն կտանի, սակայն ճանապարհին տղան աղջկան ծխելու բան է առաջարկել, ինչից աղջկա ինքնազգացողությունը վատացել է, և տղան էլ նրան տարել է հյուրանոց, որ գիշերն այնտեղ մնա, իսկ առավոտյան, ինչպես որ խոստացել էր, նրան տուն տանի:
Թե ինչն է եղել պատճառը, որ աղջիկը դանակահարել է երիտասարդ օդաչուին, կպարզվի քննությամբ:
Սակայն մեզ հայտնի է դարձել, որ աղջիկն ուսանող է, և իր ընկերական միջավայրում նա նկարագրվում է որպես պարկեշտ ու բարոյական աղջիկ:

Ինչպես ավելի վաղ տեղեկացրել էինք՝ դանակահարելու հետևանքով տղան վնասվածքը ստացել է կրծքավանդակի շրջանում:
Դեպքից անմիջապես հետո երիտասարդն անմիջապես տեղափոխվել է հիվանդանոց:

Pastinfo.am