Օբաման սկանդալային հայտարարություն է արել

Միացյալ Նահանգների գործող նախագահ Բարաք Օբաման, անդրադառնալով Ռուսաստանի միջամտությանը երկրում կայացած նախագահական ընտրություններին, հայտարարել է, որ ԱՄՆ-ն ռուսական կողմին «պատասխան կտա»:

«Երբ որևէ օտարերկրյա կառավարություն փորձում է ազդել մեր ընտրությունների արդար ելքի վրա, մենք, անկասկած, պետք է գործի անցնենք: Եվ մենք դա կանենք՝ ուղղակի մեր իմացած տեղում և ժամին: Մեր տված պատասխանի մի մասը կարող է հրապարակային դառնալ ու իմացվել, իսկ մյուս մասը կարող է գաղտնի մնալ»,- National Public Radio-ին տված հարցազրույցում ասել է Օբաման:

Աղբյուրը հիշեցնում է, որ ԱՄՆ հետախուզական ծառայությունների ունեցած տվյալների համաձայն՝ Ռուսաստանի համար աշխատող հաքերները հարձակում են գործել ԱՄՆ Դեմոկրատական կուսակցության համակարգչային ցանցի վրա՝ հավելյալ բարդություններ առաջացնելով նախագահական մրցապայքարի մասնակից Հիլարի Քլինթոնի համար:

Շարունակելով թեման՝ Օբաման ասել է, որ ԱՄՆ հետախուզությունը դեռևս շարունակում է ուսումնասիրել Ռուսաստանի միջամտության հարցը և որ դրա վերաբերյալ վերջնական զեկույցը պատրաստ կլինի նորընտիր նախագահ Դոնալդ Թրամփի երդմնակալության արարողությունից առաջ:

Հիշեցնենք, որ օրերս ամերիկյան ԶԼՄ-ները տեղեկություն էին տարածել, ըստ որի՝ ՌԴ նախագահ Վլադիմիր Պուտինն անձամբ է միջամտել նախագահական ընտրությունների ընթացքին: Մինչդեռ Կրեմլն այդ պնդումները «ծիծաղելի անհեթեթություն» է անվանել:

Այս թեմայով Հայաստանի պաշտպանությունն ու հզորացումը՝ Հայաստան-Ռուսաստան-Իրան Ռազմաքաղաքական նո՛ր Դաշինքի մեջ. Խաչիկ Ասրյան Հայաստանը հայտնվել է կիզակետում Ինչ է, ի վերջո, ասել Պուտինը Կարապետյանին Պեսկովը պատմել է, թե ինչի մասին են խոսել Մոսկվայում Սարգսյանը տակտիկական քայլ արեց. Մոսկվան կմիջամտի՞ հանուն Կարապետյանի