«Շատ հաճելի ու ցանկալի նվեր էր, արժեքը չգիտեմ»․ Աննա Թովմասյանը՝ 34-ամյակին Արամեից 11.000 դոլար արժողությամբ նվեր ստանալու մասին
Life
Երգիչ Արամեի կինը՝ երգչուհի Աննա Թովմասյանը, օրերս դարձավ 34 տարեկան։ Տարեդարձի օրը Tert.am Life–ին տված հարցազրույցում Աննան ասել էր, որ սիրելին հեռու է իրենից, քանի որ երկրում չէ։ Հեռավորության վրա Աննան սպասում էր իր հասանելիք անակնկալին, քանի որ մեր զրույցի պահին Արամեն դեռ չէր մատուցել Աննայի նվերը։
Այսօր Աննան Ինստագրամի իր էջում ցույց է տվել սիրելիի նվերն ու գրել․ «Շնորհակալ եմ սիրելիս։ ես քեզ սիրում եմ»։ Երգիչը կարողացել է հաճելիորեն անակնկալի բերել կնոջը՝ նվիրելով նրա համար ցանկալի թևնոցը։ Համացանցում արդեն լուրեր են տարածվել, որ դրա արժեքը 11.000 դոլարից ավելի է։
Tert.am Life–ի հետ զրույցում Աննան այս մասին ասաց․ «Ես տեղյակ չեմ, թե որքան գումար արժեր այն, սակայն ինձ համար շատ ցանկալի նվեր էր։ Շատ հաճելի ու ցանկալի նվեր էր։ Զարմացա, ինձ համար անակնկալ էր։ Ինքը գիտի՝ ես ինչ եմ սիրում»։
Աննայից հետաքրքրվեցինք, առհասարակ, Արամեն հաճա՞խ է իրեն թանկարժեք նվերներ մատուցում։ «Ոչ, շատ ուշ–ուշ»,– ի պատասխան ասաց նա։
Ավելի վաղ Աննան նշել էր, որ սովորաբար Արամեին ասում է, թե ինչ է ուզում նվեր ստանալ, այս տարի թողել է նրա ընտրությանը, քանի որ նա շատ լավ գիտի իր ճաշակը։
1
2
3
4
5
1
2
3
5
1
2
3
4
5
