Սպանություն, ցրտահարություն, պայթյուն, սառած փողոցներ․ երկրի երրորդ քաղաքի մեկ օրը․ տեսանյութ, լուսանկարներ

Երեկ դեռ օրը չսկսած Վանաձորն աչքի ընկավ միանգամից մի քանի դեպքերով:

Armlur.am-ի թղթակիցը հաղորդում է, որ նախ կեսգիշերին մոտ պարանոցի շրջանում ստացած հրազենային վնասվածքով Վանաձորի բժշկական կենտրոն է տեղափոխվել 27-ամյա Դավիթ Քոչարյանը, ում վիճակը մինչ այս պահը գնահատվում է ծայրահեղ ծանր: Հրազենային պարկուճը խոցել ու մնացել է տղայի պարանոցի մեջ: Մեզ հայտնի դարձավ, որ 27-ամյա տղան տարիներ առաջ՝ 2008թ-ին Վանաձորի զինվորական կոմիսարիատի մոտակայքում՝ Դիմաց թաղամասում, հրազենով մարդ է սպանել, ինչի հետևանքով 8 տարի դատապարտված է եղել ազատազրկման: Դեպքի առթիվ հարուցվել է քրեական գործ: Իրավապահները փնտրում են երիտասարդ տղային կրակողին: Վանաձորում տարածված խոսակցությունների համաձայն՝ տղայի վրա կրակել են սպանվածի ընկերները՝ այդ կերպ լուծելով իրենց վրեժը: Հատկանշական է, որ Քոչարյանին կրակել են այն վայրում, որտեղ վերջինս մարդ էր սպանել:

Խանութ է պայթել

Կեսգիշերին մոտ մեկ այլ արտակարգ դեպք է տեղի ունեցել Վանաձորի կրկին «Դիմաց» կոչվող թաղամասում: Ժամը 01:00-ի սահմաններում պայթյուն է որոտացել Vip Market մթերային խանութում, ինչի արդյունքում վնասվել է խանութի գույքն ու ապակիները: Շրջանառվող լուրերի համաձայն՝ խանութը դիտավորյալ են պայթեցրել: Թե ինչ կապ ունի սպանության դեպքը պայթյունի հետ՝ դժվար է ասել: Նկատենք, որ մեկ այլ վարկածով՝ խանութը ոչ թե պայթեցրել են, այլ ջեռուցման համակարգն է պայթել:

Կին է ցրտահարվել

Վանաձորին հարակից Գուգարք գյուղում առավոտյան կնոջ դի են հայտնաբերել ձյան մեջ ընկած: Դեպքի վայր ժամանած շտապօգնության աշխատակիցները ֆիքսել են կենսաբանական մահ: 1931թ-ին ծնված Ռոզա Մխիթարյանը Գուգարք գյուղի բնակիչ էր: Ըստ ճանաչողների՝ տառապում էր հոգեկան հիվանդությամբ:

Վանաձորում խաչմերուկ անցնելը կարող է վերջինը լինել

Վանաձորում տեղացած առատ ձյունը շարունակում է կաթվածահար վիճակում պահել մարզկենտրոնի փողոցները: ArmLur.am-ի Լոռու թղթակցի տեսախցիկը ֆիքսել է, թե ինչպես են քաղաքացիները Տիգրան Մեծ-Նժդեհ խաչմերուկը անցնում մեծ դժվարությամբ:

Այս թեմայով Տեսանյութ չափահասների համար․ երիտասարդը փողոցում կրակել է ընկերուհու գլխին ու ինքնասպան եղել Նոր մանրամասներ «Երկրապահ»-ի փոխնախագահի սպանությունից Լոռվա մայրաքաղաքում ավելանում է ցուցարարների թիվը․ տեսանյութ 23-ամյա աղջիկը թունավորել է նախկին ընկերոջ մորը՝ տղայից վրեժ լուծելու նպատակով (լուսանկարներ) Սպանություն՝ ֆեյսբուքի ուղիղ եթերում․ լուսանկար