Լափամանի ասպետները

Ատելության և ներքին թշնամանքի այն դոզան, որ վերջին երեք տարիներին հանրության մեջ ներարկել է փաշինյանական վարչակազմը, հասել է ծայրահեղ վտանգավորության աստիճանի։ Եվ նույն այդ իշխանությունն իր ընդդիմախոսներին է մեղադրում ժողովրդին մեդիատեռորի ենթարկելու մեջ։ Իրականությունը, սակայն, բոլորովին այլ է։ «Ռոբասերժական թայֆային պատկանող «լրատվական» կոչվածներ», «․․․մանրածախ գներով ծախված քաղաքական ու հանրային գործիչներ, քաղաքապետիկներ, նախկին մարզպետիկներ», «պալատական ծաղրածուներ, որոնք ուղիղ սնվում են ռոբասերժական մնացորդներով»․ բոլոր այս արտահայտություններն ընդամենը իր մի գրառման մեջ իշխանության խմբակցության պատգամավորն է արել, ով մինչ իշխանափոխությունն աշխատում էր իր կողմից այսօր վիրավորանքի արժանացած լրատվամիջոցում՝ Para.tv-ում, սնվում իր բառերով՝ «ռոբասերժական մնացորդներով»։ «Իմ քայլը» խմբակցության պատգամավոր Արթուր Հովհաննիսյանի վարքը դասագրքային կարող է լինել, թե ինչպիսին կարող է լինել անսկզբունքային գործիչն ու երախտամոռ մարդը։