Երբ Տեր-Պետրոսյանը պետություն էր կերտում՝ շատերդ արտաթորում էիք բարուրի մեջ

Ֆեյսբուքում տեսնելով Լևոն Տեր-Պետրոսյանի կալիբրի այսքան «հզոր ու հայրենասեր անհատների», ովքեր կարող են յոթանասունն անց պետական-քաղաքական գործչին հավասարը հավասարի պես դասեր տալ, հոխորտալ, թե որքան «տկարամիտն» է նա և որքան վախկոտ, զարմանում եմ, թե ինչու մինչև հիմա Ստամբուլը «արյան ծով» չէ, կամ ինչու Բաքվի նավթը Ֆլեշի Բարսեղը չի ներմուծում...
Տղաներ և աղջիկներ, համաձայն կարող եք չլինել մարդու ասածներին, բայց որ ձեզ Լևոնի դասատուի նման եք պահում՝ զվարճալի է։
Լավ է՝ պապիրոզի չեք ուղարկում էդ մարդուն...
Նա որ երկրի նախագահ էր և լավ կամ վատ պետություն էր կերտում՝ շատերդ դեռ պլեչիկով շալվար էիք հագնում կամ արտաթորում էիք բարուրի մեջ...
Հլա սրանց լեքսիկոնը նայի, այ քեզ բան...
Հ.Գ. Շատ հարցերում համաձայն չեմ առաջին նախագահի հետ, բայց ինձ շատ փոքր մարդ եմ համարում՝ նրան խելք սովորեցնելու համար: Իսկ նրանից գոնե զսպություն, սառնասրտություն ու պրագմատիզմ փորձում եմ սովորել...

Վարուժան Բաբաջանյան