Սերգեյ Դանիելյանի հետ հարցազրույցը ծանր է նստել Պետրոս Ղազարյանի վրա

«Իրավունք»-ի փոխանցմամբ՝ «Քաղաքացիական ակտիվ քայլ» դեռ չգրանցված կուսակցության առաջնորդ, դերասան Սերգեյ Դանիելյանին հեռուստաեթերով ձայն տալը, կարծես թե, բավական ծանր է նստել «Կենտրոն» հեռուստաընկերության քաղաքական մեկնաբան, հաղորդավար Պետրոս Ղազարյանի վրա։ Հիշեցնենք, որ վերջերս նա հյուր էր կանչել Ս. Դանիելյանին և խորացել ՔԱՔ կուսակցության մեջ. ընդ որում՝ հեռուստաեթերն ընթանում էր ժպտացող կղանքի սմայլիկի ֆոնին։ Ի դեպ, վերոնշյալ հաղորդումը հանվել է հեռուստաընկերության պաշտոնական էջից և այսօր սոցցանցերում շրջանառվում է այլ՝ ներբեռնված տարբերակներով։ Այո, ամեն ինչ շատ ծիծաղելի կլիներ, եթե այդքան զզվելի չլիներ ու հետևանքներն էլ՝ տխուր։ Թերթի հավաստի աղբյուրների համաձայն՝ պարզվում է՝ հեռուստատեսության ղեկավարությունը և ոչ միայն, կշտամբել են Պ. Ղազարյանին։ Վերջինս Էլ նեղսրտել և աշխատանքից ազատման դիմում Է գրել։ Լուրի իսկությունը ճշտելու համար «Իրավունքը» կապ է հաստատել «Կենտրոն» հեռուստաընկերության լրատվական բաժնի ղեկավար Իվետա Տոնոյանի հետ, ով մասնավորապես նշել է. «Անկեղծ ասած, ես չունեմ նման տեղեկատվություն, խնդրում եմ՝ Պետրոսի հետ խոսեք։ Ինչի՞ մասին Է խոսքը, ո՞վ է նման բան ասում»։ Փորձեցինք պարզաբանում ստանալ նաև Պետրոս Ղազարյանից տեղեկատվությունը, ո՞ւր Է այն, ապա շեշտեց, թե չի պատասխանի մինչև չտեսնի, թե սոցցանցերում որտեղ Է այդ մասին շրջանառվում։ Հիշեցնելով, որ լրագրողի իրավունքն Է աղբյուրները չբացահայտելը՝ կրկին հորդորեցինք, ի վերջո, պատասխանել՝ գրե՞լ Է դիում Պ. Ղազարյանը, թե՝ ոչ, բայց նա մնաց անդրդվելի և միայն վերջում ասաց. «Չեղած բանը չեմ ուզում մեկնաբանել»։

Այս թեմայով «Սենց գոհ ու երջանիկ թշերդ ուռցնես, ասես` ես միակն ե՞մ». Սերգեյ Դանիելյան «Գողացել են իմ երեխայի հացը». Սերգեյ Դանիելյանը դատի է տվել ԴԱՀԿ-ին Յանա Դանիելյանը բացահայտել է իր կանացի «գաղտնիքները» «Շինանյութի Սերգեյի» որդուն առևանգողները ձերբակալվել են Շինանյութի Սերգեյի առևանգված որդուն բաց են թողել. մանրամասներ