18-ամյա ռուս մոդել․ «Ատում եմ Ռուսաստանը»․ տեսանյութ, լուսանկարներ

Ռուսական շոուբիզնեսում հերթական սկանդալն է ծագել։ Այս անգամ ուշադրության կենտրոնում է 18-ամյա մոդել, թենիսիստ Եվգենի Կաֆելնիկովի դուստր Ալեսյան է, որը Լոնդոնում է ապրում։

Մոդելը պատմել է, որ չի ուզում վերադառնալ հայրենիք հայրենակիցների պատճառով, որոնք «բամբասում են իր մասին»։

«Ես չեմ սիրում Ռուսաստանը։ Ռուսաստանում մարդկանց օգտագործում են։ Դա սարսափելի է։ Ես կարծում եմ, դա ամենուր է, բայց Ռուսաստանում դա մշտապես է տեղի ունենում։ Ես կարիերա եմ անում այլ երկրում, ինձնով պետք է հպարտանան։ Ինձ հարցնում են, թե ինչու եմ ատում Ռուսաստանը։ Իհարկե, ես ատում եմ Ռուսաստանը։ Ուզում եմ, որ իմ երկիրը հպարտանա ինձնով, բայց դուք չեք հպարտանում, այլ միայն բամբասում եք։ Ես չեմ սիրում ռուսական մենթալիտետը. մարդկանց ավելի շատ մտահոգում է իրենց անձը, քան մյուսներինը։ Եթե դու աստղ ես, քեզ ատում են, քեզ չեն սիրում քո մասին բամբասում են»,– հայտարարել է Ալեսյան։

Մոդելը նաեւ խոստովանել է, որ Լոնդոնում ինքը շրջում է մետրոյով եւ ապրում օրական 10 ֆունտով, քանի որ ծնողներն իրեն չեն օգնում։

Տեսանյութի հրապարակումից հետո համացանցում աղջկան սկսել են վիրավորել, իսկ Պետդումայի պատգամավոր Վիտալի Միլոնովը պահանջել է լրատվամիջոցներում Կաֆելնիկով ընտանիքի համար ինֆորմացիոն շրջափակում ստեղծել:

Որոշ ժամանակ անց մոդելը որոշել էր ներողություն խնդրել իր բառերի համար՝ նշելով, թե ինքը բոլորովին այլ բան նկատի ուներ, եւ իրեն սխալ են հասկացել իր անգլերենի պատճառով։ Թե կոնկրետ ինչ էր ուզում ասել ինքը, մոդելը չի պարզաբանել։

Այս թեմայով Հայտնիներ, որոնք հայտնի են դարձել բացառապես իրենց մարմնի շնորհիվ. լուսանկարներ Մոդելների մարմիններն առանց թույլտվության օգտագործել են գովազդի համար. լուսանկարներ Հայ մոդելները միացել են շարժմանը․ լուսանկարներ Բելլա Հադիդը փորձել է երկրպագուների հույզերի ամրությունը՝ տեղադրելով կուրծքը բաց լուսանկարներ Շպռոտի կենացը՝ նվիրված ոստիկաններին, «դուխով որձերին» եւ հայ աղջիկներին (տեսանյութ)