Թուրքիան պետք է զորքերը դուրս բերի

Թուրքիան պետք է դուրս բերի զորքերն Աֆղանստանից՝ 2020թ. համաձայնագրի համապատասխան։ Այս մասին ասել է «Թալիբանի» ներկայացուցիչը՝ փաստորեն մերժելով Անկարայի առաջարկությունը՝ պահպանել եւ կառավարել Քաբուլի օդանավակայանը ԱՄՆ ղեկավարությամբ ՆԱՏՕ ուժերի հեռանալուց հետո, տեղեկացնում է Reuters-ը։

Այս դիրքորոշումը լուրջ հարցեր է առաջացնում Միացյալ Նահանգներում, այլ երկրներում եւ Քաբուլում առաքելություններ ունեցող միջազգային կազմակերպություններում այն առնչությամբ, թե ինչպես անվտանգ տարհանել իրենց զորակազմերը դեպի ծով ելք չունեցող Աֆղանստանից։ Բացի այդ, դա կխորտակի Անկարայի՝ Քաբուլի օդանավակայանի պահպանությունը Վաշինգտոնի հետ հարաբերությունները բարելավելու համար օգտագործելու հույսերը։

«Թուրքիան ՆԱՏՕ ուժերի մասն էր վերջին 20 տարիներին, ուստի նրանք պետք է հեռանան Աֆղանստանից այն համաձայնագրի հիման վրա, որը մենք ստորագրել ենք ԱՄՆ-ի հետ 2020թ. փետրվարի 29-ին»,- Reuters-ին ասել է թալիբների ներկայացուցիչ Սուհայլ Շահինը։ «Մնացած հարցերում Թուրքիան մեծ իսլամական երկիր է։ Աֆղանստանը պատմական հարաբերություններ ունի նրա հետ։ Մենք նրա հետ սերտ եւ լավ հարաբերությունների հույս ունենք, քանի որ ապագայում երկրում ստեղծվելու է նոր իսլամական կառավարություն»,- ավելացրել է նա։

2020թ. փետրվարին նախկին նախագահ Թրամփի օրոք թալիբների հետ կնքված համաձայնագրի համապատասխան՝ ԱՄՆ բոլոր ուժերը պետք է դուրս գային Աֆղանստանից մինչեւ մայիսի 1-ը։

Ավելին՝ այստեղ