Նոր բանդայի գործով ամբաստանյալները դատապարտվեցին ազատազրկման․ որքան են նրանք նստելու

Երևանի Կենտրոն և Նորք-Մարաշ վարչական շրջանների դատարանում ավարտվել է տարադրամի փոխանակման կետերի և դրանցում աշխատող անձանց վրա հարձակվելու նպատակով ստեղծված բանդայի նոր գործով դատաքննությունը:

Դատարան ուղարկված քրեական գործերն ընդգրկում էր մեկ վարույթում միացված թվով երեք քրեական գործեր` 2012թ. մարտի 23-ին ՀՀ ոստիկանության ՔԳՎ Երևան քաղաքի Կենտրոնականի քննչական բաժնում ՀՀ քրեական օրենսգրքի 175-րդ հոդվածի 2-րդ մասի 1-ին և 4-րդ կետերով հարուցված քրեական գործը, 2013թ. հունվարի 13-ին ՀՀ ոստիկանության ՔԳՎ Երևան քաղաքի քննչական վարչության Շենգավիթի քննչական բաժնում ՀՀ քրեական օրենսգրքի 34-104-րդ հոդվածի 2-րդ մասի 8-րդ կետով, 175-րդ հոդվածի 3-րդ մասի 3-րդ կետով և 235-րդ հոդվածով հարուցված քրեական գործը, ինչպես նաև 2013թ. մայիսի 6-ին ՀՀ ոստիկանության ՔԳՎ Երևան քաղաքի քննչական վարչության ԾՀՔ բաժնում ՀՀ քրեական օրենսգրքի 181-րդ հոդվածի 3-րդ մասի 1-ին կետով հարուցված թիվ 59101513 քրեական գործը։

Կենտրոն և Նորք Մարաշ վարչական շրջանների ընդհանուր իրավասության դատարանը «Նոր բանդայի» անդամներին դատապարտեց 12-24 տարվա ազատազրկման:

Ամբաստանյալ Կարեն Վարդանյանը մեղավոր ճանաչվեց ավազակությամբ ու բանդիտիզմով զուգորդված սպանություն կատարելու մեջ և դատապարտվեց 24 տարվա ազատազրկման:

Ռաֆայել Հարոյանը մեղավոր ճանաչվեց անձանց կամ կազմակերպությունների վրա հարձակվելու նպատակով կազմակերպված զինված խումբ ստեղծելու, այդպիսի խումբ ղեկավարելու կամ բանդայի կողմի կատարվող հարձակումներին մասնակցելու, կազմակերպված խմբի կողմից ավազակություն կատարելու առողջությանը ծանր վնաս պատճառելով, կազմակերպված խմբի կողմից ապօրինի կերպով զենք, ռազմամթերք ձեռք բերելու, իրացնելու, պահելու, փոխադրելու կամ կրելու, առանձնապես խոշոր չափերով գույք հափշտակելու նպատակով ավազակություն կատարելու մեջ: Նա դատապարտվեց 20 տարվա ազատազրկման:

Հայկ Կոջոյանը մեղավոր ճանաչվեց 222-րդ հոդվածի 1-ին մասով, 235-րդ հոդվածի 3-րդ մասով, 175-րդ հոդվածի 3-րդ մասի 1-ին և 2-րդ կետերով և դատապարտվեց 16 տարվա ազատազրկման:

Տիգրան Հովհաննիսյանը մեղավոր ճանաչվեց ՀՀ քրեական օրենսգրքի 222-րդ հոդվածի 1-ին մասով, 235-րդ հոդվածի 3-րդ մասով, 175-րդ հոդվածի 3-րդ մասի 1-ին և 2-րդ կետերով, 175-րդ հոդվածի 3-րդ մասի 2-րդ և 3-րդ կետերով և դատապարտվեց ազատազրկման 12 տարի 6 ամիս ժամկետով:

Հիշեցնենք, որ 2014թ. ապրիլի 30-ին Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի վարույթ է ընդունվել քրեական գործն ըստ մեղադրանքի Ռաֆայել Հարոյանի՝ ՀՀ քրեական օրենսգրքի 222-րդ հոդվածի 1-ին մասով, 175-րդ հոդվածի 3-րդ մասի 3-րդ կետով, 235-րդ հոդվածի 1-ին մասով և 175-րդ հոդվածի 3-րդ մասի 1-ին կետով, Հայկ Կոջոյանի՝ ՀՀ քրեական օրենսգրքի 222-րդ հոդվածի 2-րդ մասով, 235-րդ հոդվածի 1-ին մասով և 175-րդ հոդվածի 3-րդ մասի 1-ին կետով, Կարեն Վարդանյանի՝ ՀՀ քրեական օրենսգրքի 222-րդ հոդվածի 2-րդ մասով, 235-րդ հոդվածի 1-ին մասով, 175-րդ հոդվածի 3-րդ մասի 1-ին կետով և 104-րդ հոդվածի 2-րդ մասի 8-րդ կետով, Տիգրան Հովհաննիսյանի՝ ՀՀ քրեական օրենսգրքի 181-րդ հոդվածի 3-րդ մասի 1-ին կետով, 222-րդ հոդվածի 2-րդ մասով, 175-րդ հոդվածի 3-րդ մաս 3-րդ կետով, 235-րդ հոդվածի 1-ին մասով և 175-րդ հոդվածի 3-րդ մասի 1-ին կետով:

Այս թեմայով Ցուցարարներին մահակներով ծեծող բանդաները շարունակում են «չբացահայտված» մնալ Աղմկահարույց սպանություն Աթենքում Կա վարկած, որ Սվո Ռաֆի որդուն խիստ գաղտնի կերպով են թաղել, և կային պատճառներ (տեսանյութ) Երևան են ժամանել ավելի քան 200 «օրենքով գողեր» և 400 քրեական հեղինակություններ Անթալիայում վրացի «օրենքով գողի» սպանության գործով հայ է ձերբակալվել