Այս ընտրությունները պետք էին աշխարհին, բայց ոչ Հայաստանին. Արմեն Աշոտյան
Քաղաքականություն
Դեռ դեկտեմբեր-հունվար ամիսներին շատ պարզ էր այն բանաձևը, որով կապիտուլյանտը փորձելու է պահպանել իշխանությունը: Մամուլի ասուլիսի ժամանակ հայտարարեց Արմեն Աշոտյանը:
Աշոտյանի խոսքերով, առաջին բաղադրիչն է զիջել ամեն ինչ, ինչը պահանջում են Թուրքիան ու Ադրբեջանը, երկրորդը՝ Հայաստանից ու Արցախից մնացած տարածքները հանձնել ռուսական պաշտպանության ներքո, համար երրորդ՝ փորձել վերարտադրվել. «Երեք բաղադրիչներով էլ ինչ ասել ենք, այդպես էլ գնում է»:
Նա նշեց, որ խորհրդարանական ընտրությունները չեն լինելու իրավիճակից ելք, այլ դժոխքի հերթական շրջանն է լինելու Հայաստանի ու Արցախի համար, ինչպես և կանխատեսվում էր. «Արտաքին ու ներքին զարգացումները զարմանալիորեն համադրված են: Արտաքին աշխարհում կար կոնսենսուս, որ Հայաստանում քաղաքական անհանգիստ վիճակը, լարվածությունը, որը ստեղծվեց նոյեմբերի 9-ի կապիտուլյացիայից հետո, պետք է լուծել ոչ թե փողոցում,այլ ընտրություններով: Այդ կոնսենսուսն առկա էր: Այս ընտրությունները պետք էին աշխարհին, բայց ոչ Հայաստանին»,-հավելեց նա:
Աշոտյանը նշեց, որ այս ընտրությունները Հայաստանին քաղաքական կայունություն չեն բերելու, ինչի համար կան բազմաթիվ օբյեկտիվ նախադրյալներ։
1
2
3
4
5
1
2
3
4
5
2
5
