Ամեն ինչ կատարվեց Ռուսաստանի լռության ներքո

«Ռոսսոտրուդնիչեստվո» ընկերության նախագահ Վիկտոր Կրիվոպուսկովը կարծում է, որ հարցն այն է՝ Ռուսաստանը 2020 թվականի ղարաբաղա-ադրբեջանական պատերազմի համար կրո՞ւմ է պատասխանատվություն։ «Ես այս մասին մեկ անգամ չէ, որ գրել եմ, եւ անգամ ենթավերնագրերն են խոսում՝ «Ո՞վ է պատասխան տալու Ղարաբաղի համար», եւ կամ՝ «Ինչո՞ւ Ռուսաստանը չի կանգնեցնում պատերազմը»»։ Պատերազմը կանգնեցնելու կոչով՝ Կրիվոպուսկովը 2020թ․ սեպտեմբերի 29-ին դիմել է ՌԴ ղեկավարությանը։  «Եվ մենք՝ բոլորս, լավ գիտենք Ռուսաստանի հնարավորությունների մասին։ Իսկ ՄԱԿ-ը որեւէ կերպ չարձագանքեց,  ԵԱՀԿ-ն առհասարակ թաքնվեց 44 օր, ինչ-որ ոլոր-մոլոր ճանապարհներով ման էին գալիս ինչ-որ հնարավորություններ։  

Այն ԵԱՀԿ-ն, որը 27 տարի աշխատել էր։ Եվ ի՞նչ աշխատանք էր դա»,- հարցնում է Վիկտոր Կրիվոպուսկովն ու ավելացնում․ պարզվում է՝ եթե տարիներ շարունակ աղավաղես սեփական ու հարեւանների պատմությունը, ամբողջ աշխարհին ստեր պատմես, միջազգային հանրությանը մատի վրա պտտեցնես, ապա կարելի է հասնել «Կազուս բելիի» գագաթնակետին։ Արցախի պարագայում դա Արցախի վրա հարձակվելու եւ ագրեսիա կիրառելու հիմնավորումն է։

Նա ասում է․ «Ադրբեջանի նախագահը, որը 18 տարի գլխավորում է այդ երկիրը, անձամբ է մանիպուլացնում ոչ միայն տարածաշրջանի, այլեւ համաշխարհային պատմությունը՝ անցնելով բոլոր թույլատրելի եւ անթույլատրելի սահմանները»։ Վիկտոր Կրիվոպուսկովի  խոսքով՝  այս ամենը  տեղի էր ունենում միջազգային հանրության եւ առաջին հերթին՝ Ռուսաստանի լռության ներքո։

Ավելին՝ այստեղ