Ինչի՞ մասին է լռել Պուտինը ասուլիսի ժամանակ

Երեկ, դեկտեմբերի 23-ին կայացած ամենամյա ամփոփիչ ասուլիսի ժամանակ ՌԴ նախագահ Վլադիմիր Պուտինը մոտ չորս ժամ պատասխանում էր լրագրողների հարցերին: Գերմանական Deutsche Welle թերթն ուշադիր ունկնդրել է, ինչ է խոսել Պուտինը, և պատմում է, թե ինչի մասին է նա, այնուամենայնիվ, լռել: Ասուլիսի սկզբում Վլադիմիր Պուտինը սկսեց խոսել տնտեսության մասին և, աճպարարություն անելով թվերով, որոնք վկայում են Ռուսաստանում շարունակվող ռեցեսիայի մասին, բավականին կոռեկտ էր: Բայց ավելի ուշ, արդեն նավթային գների կոնտեքստում, ավելացրեց, որ «իրավիճակն ավելի վատ է համաշխարհային տնտեսության մեջ, իսկ արդյունքը մեզ մոտ ավելի լավ է ստացվել»՝ ենթադրելով, որ ռեցեսիան 2016թ-ին ոչ թե 3,7% է, ինչպես 2015թ-ին, այլ «0,5-0,6% կլինի»: Պուտինի խոսքերից հետո կարող է տպավորություն ստեղծվել, որ համաշխարհային տնտեսության աճը բացասական է: Մինչդեռ դա այդպես չէ: Ճիշտ է, համաշխարհային տնտեսությունն ոչ այդքան արագ տեմպերով է աճում, ինչպես ենթադրվում էր, սակայն, Համաշխարհային բանկի տեսության համաձայն, 2016թ կաճի 2,4%-ով: Պուտինը զերծ չմնաց նաև բացասական ֆինանսական միտումների բառային նվազեցումից: Այսպես, օրինակ, նա ասաց, որ Պահուստային հիմնադրամը «մի փոքր կրճատվել է»: «Մի փոքրը» տվյալ դեպքում նշանակում էր 3,64 տրլն ռուբլուց 2016թ հունվարի 1-ի դրությամբ մինչև 985 մլրդ ռուբլի տարեվերջի դրությամբ, այսինքն, կոպիտ ասած, երեքուկես անգամ: «Ռուսաստանի ակտիվ մասնակցությունն» ու «Ասադի բարի կամքը» Հալեպում Մարդկանց տարհանումն արևելյան Հալեպից Պուտինը «ժամանակակից աշխարհում խոշորագույն միջազգային հումանիտար ակցիա» անվանեց: Նա ընդգծեց, որ դա արվել է Ռուսաստանի «ակտիվ մասնակցությամբ» և չէր կարող ձեռք բերվել առանց Բաշար Ասադի «բարի կամքի և աշխատանքի»: Դեկտեմբեր ամսվա ընթացքում Հալեպի արևելյան շրջաններից իսկապես տասնյակ հազարավոր բնակիչների և ապստամբների են տարհանել: Սակայն ՌԴ նախագահը մոռացավ հիշատակել, որ տարհանմանը նախորդել են ինտենսիվ ռմբակոծությունները Ասադի կառավարական զորքերի և ռուսական ավիացիայի կողմից: ՄԱԿ-ի մարդու իրավունքների գերագույն հանձնակատար Զեիդ Ռաադ Ալ Հուսեյնին հոկտեմբերի 21-ին Հալեպի ռմբակոծությունները «պատմական մաշտաբի հանցանք» է անվանել: Այդ խախտումներն իրենցից ռազմական հանցանք են ներկայացնում, ընդգծել էր ՄԱԿ-ի բարձրաստիճան պաշտոնյան: Պատասխանելով ԱՄՆ Դեմոկրատական կուսակցության վրա հաքերական հարձակման հարցին, Պուտինը հայտարարեց, թե կարևոր չէ ովքեր են դա արել: «Կարևորը տեղեկատվության էությունն է, որը ցանցահենները տրամադրել են հասարակական կարծիքին»: Հատկանշական է, որ կես տարի առաջ արձագանքելով իր ընկեր Սերգեյ Ռոլդուգինի 2 մլրդ դոլարի չափով օֆշորային հաշիվների մասին տեղեկատվությանը, Պուտինն ուշադրությունը գրավեց, առաջին հերթին, նրանց վրա, թե ովքեր են հրապարակել այդ տվյալները: «Ամենուր տնգված են պատվիրատուների ականջները, տնգված են և անգամ չեն կարմրում: Իսկ այն, որ դրա ետևում կանգնած են Միացյալ Նահանգների պաշտոնատար անձինք և պաշտոնական մարմինները, դա մեզ Wikileaks-ն է ցույց տվել»,-ասել է Պուտինը: