Նուրմագոմեդովը նկարագրել է ՄաքԳրեգորի ապագան սպորտում (տեսանյութ)
ՍպորտԽառը մենամարտերի (MMA) ռուսաստանցի մարտիկ Խաբիբ Նուրմագոմեդովը նկարագրել է իռլանդացի Քոնոր ՄաքԳրեգորի ապագան սպորտում: Ռուսաստանցու հետ հարցազրույցը հրապարակվել է ESPN MMA յութուբյան ալիքում:
32-ամյա ռուսաստանցին համոզված է, որ ՄաքԳրեգորը չի կարողանա վերադառնալ իր նախկին մակարդակին և պայքարել առաջնության բացարձակ չեմպիոնի կոչման համար:
«Կարիերայի ընթացքում գագաթնակետը միայն մեկ անգամ է լինում, և այլևս հնարավոր չէ վերադառնալ այդ մակարդակին: Իհարկե, կարելի է կռվել Դոնալդ Սերոնեի նման տղաների հետ ու լավ տեսք ունենալ»,-ասել է Նուրմագոմեդովը:
«ՄաքԳրեգորը լավն է փրոմոուշենի համար, նա գրավում է հանդիսատեսին: Ի՞նչ կանեի ես UFC-ի փոխարեն: Նրան ևս 1 մենամարտ տվեք Դաստին Պորյեի դեմ: Նա կրկին կպարտվի, և կարող եք ազատվել նրանից»,-ասել է Նուրմագոմեդովը: Նա ավելացրել է, որ «UFC- ը կքամի ՄաքԳրեգորից ամբողջ հյութը»:
Հիշեցնենք, որ ՄաքԳրեգորը կոտրել է ոտքը և չի կարողացել շարունակել պայքարը Պորյեի դեմ մենամարտում: UFC-ի ղեկավարը հայտարարել է նրանց միջև նոր մենամարտի մասին:
Նուրմագոմեդովը մենամարտել է և ՄաքԳրեգորի և Պորյեի հետ և պաշտպանել է UFC գոտին: Ռուսաստանցին կարիերայի 29 մենամարտում 29 հաղթանակ է տարել:
1
2
3
4
5
1
2
3
4
5
2
3
4
5
