Պուտինը հեռացնում է մարդկանց, ում նվիրվածությանը կասկածում է

Գերմանական Der Spiegel-ը գրում է․

Օրերս Կրեմլը հայտարարեց Ռուսաստանի նախագահի աշխատակազմի ղեկավարի պաշտոնից Սերգեյ Իվանովի ազատման մասին։ Հաղորդվում է, որ Իվանովը, ով առաջին տեղն էր զբաղեցրել հուլիսին «Независимая газета» թերթի հրապարակած՝ Ռուսաստանում ամենաազդեցիկ քաղաքական գործիչների ցանկում, պաշտոնից հեռացել է իր իսկ ցանկությամբ։
Ինչպես նշում է թերթը, Իվանովն այն մարդն է, ով «թերևս ամենաշատն է ծանոթ նախագահ Պուտինի հետ և նրա վարած քաղաքականությանը»։ Մասնավորապես, նրանք ծանոթ են եղել դեռ խորհրդային КГБ–ում՝ Պետանվտանգության կոմիտեում ծառայության տարիներից։ Պուտինի նախագահության օրոք Իվանովը մի շարք կարևոր պաշտոններ է զբաղեցրել։
Քաղաքագետները կասկածում են Իվանովի՝ կամավոր կերպով պաշտոնից հեռանալու մասին պաշտոնական հայտարարությանը։ Այժմ, ինչպես հավելում է Der Spiegel-ը, Պուտինը «վերադիրքավորում է երկրի իշխող էլիտան, ինչը երևում է այն օրինակով, թե ինչպես են մի շարք նահանգապետեր փոխարինվել հատուկ ծառայություններից մարդկանցով»։ Այդկերպ «Պուտինը նպատակադրված հեռացնում է մարդկանց, որոնց հավատարմությանը կասկածում է»։