«Դատախազությունը, որ ուշադիր հետևում էր, հուսով եմ` այս ամենը շատ լավ տեսել ու գնահատել է, թե ով էր սադրում, ով էր հրահրում»․ Վահե Մակարյան
Blog
Լրագրող Վահե Մակարյանը իր ֆեյսբուքյան էջում գրել է․
Նոր կրկին նայում էի Վահե Հակոբյանի ելույթը: Չափազանց կոռեկտ, նույնիսկ կարելի է ասել` քննադատության աստիճանի կոռեկտ ու կառուցողական ելույթ էր, որում ոչ մի վիրավորական արտահայտություն կամ գնահատական չկար: Մարդը փորձում էր թուլացնել լարվածությունն ու այդքանից հետո էլի ձևավորել աշխատանքային մթնոլորտ: Եւ հենց այն պահին, երբ նա ասում է` չեք կարողանալու նորից պոպոլիզմով, հաճելի խոսքերով ծրագիր գրեք ու բերեք կորցնեք ժողովրդին, տեղից ինչ-որ անդաստիարակ մի «ուսապարկ» իրենցից շատերին հատուկ փողոցային ոճով տեղից նետում է, թե «քեզ ենք կերցնելու, արա»: Ու Վահեն արձագանքում է. «Արան դու ես, այ тварь»:
Հիմա ես չեմ, դուք եք, ասեք` ով սադրեց և ով հրահրեց: Լավ, Սեյրան Օհանյանը ինքը շիշը շպրտեց, շատերի գնահատմամբ` լավ արեց, քանզի չէր կարող անարձագանք թողնել իրեն եսիմ ում կողմից «արա»-ով դիմելը, ոմանց կարծիքով էլ` չարժեր այդկերպ արձագանքել ու սրել:
Բա Վահե Հակոբյանին ո՞վ առաջինը վիրավորեց, հետո հարվածեց ու հայհոյեց:
Էդ դատախազությունը, որ ուշադիր հետևում էր այդ ամենին ու որոշել է նյութեր նախապատրաստել, հուսով եմ` այս ամենը շատ լավ տեսել ու գնահատել է, թե ով էր սադրում, ով էր հրահրում, ով էր վիրավորում ու առաջինը հարվածում:
Ու հավատացեք, եթե հակառակը լիներ, չնայած սրանցից արդարացիորեն զզվելուն, բայց օբյեկտիվորեն կնշեի նաև ընդդիմության սխալ կամ հրահրող պահվածքի մասին:
1
2
3
4
5
1
2
4
1
2
3
4
5
