Մոլդովայի նախագահը կողմ է հանդես եկել որոշմանը, ըստ որի ուսուցիչները պետք է իրենց հաշվին կորոնավիրուսի թեստեր հանձնեն

Մոլդովայի նախագահ Մայա Սանդուն կարծում է, որ կառավարության որոշումը, որը պատվաստվել չցանկացող ուսուցիչներին պարտավորեցնում է ամսական երկու անգամ վճարել կորոնավիրուսի ախտորոշման թեստերի համար իրենց աշխատավարձերից, ճիշտ է, փոխանցում է ՏԱՍՍ -ը:

«Կրթության ոլորտում մենք առաջին հերթին խոսում ենք երեխաների առողջության մասին: Ուստի մեծահասակները պետք է պատվաստվեն: Մենք ցանկանում ենք, որպեսզի ուսումը տեղի ունենա դասարաններում` չվերադառնալով օնալայն, բայց եթե ուսուցիչը չի պատվաստվում, ապա ռիսկերը մեծանում են: Նրանք, ովքեր ցանկանում են պատվաստվել, չպետք է վճարեն նրանց համար, ովքեր չեն ցանկանում»,- հինգշաբթի ասել է Սանդուն PRO TV- ին տված հարցազրույցում` մեկնաբանելով արհմիությունների բողոքները, որոնք պահանջում էին կառավարությունից վճարել թեստերի համար: Նա բերեց ԵՄ երկրների օրինակները, որտեղ որոշ մասնագիտությունների ներկայացուցիչների պատվաստումը պարտադիր է:

Ավելի վաղ տեղական արհմիությունները պաշտպանում էին ուսուցիչներին. կառավարությանն ուղղված իրենց կոչում նրանք հայտարարել էին, որ այս կերպ ցանկանում են ստիպել ուսուցիչներին պատվաստվել: Այդպես, Հանրապետության առողջապահության նախարար Ալլա Նեմերենկոն հայտարարել է, որ իշխանությունները նախատեսում են մինչեւ հոկտեմբերի 1-ը պատվաստել կրթական հաստատությունների անձնակազմի առնվազն 95 տոկոսին, եւ այս որոշումը չի վերանայվի: Արհմիությունների ներկայացուցիչները, իրենց հերթին, հիշեցրել են, որ ուսուցիչները ամսական վճարում են պարտադիր բժշկական ապահովագրության հիմնադրամին, ուստի պետք է անվճար թեստավորվելու իրավունք ունենան: Նրանք կոչ են արել անհապաղ վերանայել այս որոշումը, քանի որ ուսուցիչները սկսել են հեռանալ աշխատանքից, ինչը սպառնալիքի տակ է դնում կրթական գործընթացի մեկնարկը երկրում: