Եթե չպատվաստված աշխատողները ամիսը 2 անգամ ՊՇՌ թեստի արդյունք չներկայացնեն, գործատուները կարող են արգելել նրանց մուտքը. Անահիտ Ավանեսյան
Քաղաքականություն«Եթե 5-6 ամիս առաջ ունեինք 10 տոկոս քաղաքացիներ, որոնք կողմ էին պատվաստմանը, այդ ցուցանիշը այսօր 40 տոկոսից բարձր է»,- այս մասին այսօր կառավարության նիստից հետո լրագրողների հետ զրույցում ասաց առողջապահության նախարար Անահիտ Ավանեսյանը:
Անդրադառնալով հոկտեմբերի 1-ից գործող նոր կարգին, ըստ որի՝ աշխատողը կամ պետք է պատվաստվի, կամ 14 օրը մեկ հանձնի ՊՇՌ թեստ, նա ասաց, որ ցանկացած կանոնի խախտման հետ կապված կան հետևանքներ։ «Համաձայն դրա՝ գործատուներն աշխատակիցներից պետք է պահանջեն կորոնավիրուսի դեմ պատվաստման մասին վկայող փաստաթուղթ, հակառակ դեպքում աշխատակիցները ամսական երկու անգամ ՊՇՌ թեստի արդյունք պետք է ներկայացնեն»,- ասաց նա և նշեց, որ չներկայացնելու դեպքում աշխատակիցների մուտքը գործատուները կարող են արգելել:
«Թեստ չպահանջող գործատուն ևս կպատժվի։ Հետևանքը աշխատանքի ներկայանալու մեջ է լինելու, հաջորդիվ տվյալ կազմակերպությունը ևս որոշակի տույժ-տուգանքներ կկրի։ Իսկ եթե աշխատակիցը չի ներկայանում աշխատանքի որոշակի ժամկետում, ապա գործատուն իրավունք ունի նաև խզելու աշխատանքային պայմանագիրը»,- ասաց նա և պնդեց, որ ամեն ինչ արվում է Սահմանադրության և օրենքի շրջանակներում։
1
2
3
4
5
1
3
4
2
