Մենք հպարտ ենք մեր մարմնի գույնով. Բակայոկոն արձագանքել է Լացիոյի երկրպագուների կողմից իրեն ուղղված ռասիստական վիրավորանքներին
Սպորտ«Միլանի» կիսապաշտպան Տյեմուե Բակայոկոն նոր գրառում է կատարել Instagram-ի իր էջում։ Ֆուտբոլիստը խոսել է Ա Սերիայի 3-րդ տուրում իր թիմի՝ «Լացիոյի» նկատմամբ տարած հաղթանակի մասին (2-0), ինչպես նաև մեկնաբանել է հռոմեական ակումբի երկրպագուների պահվածքը։
«Լացիոյի» երկրպագուները խաղի ընթացքում ռասիստական վիրավորանքներ են հնչեցրել Բակայոկոյի հասցեին:
«Շատ շնորհակալ եմ ջերմ ընդունելության համար, «ռոսոների»։ Ցավոք, ես վնասվածք ստացա, բայց ամենակարևորն այն է, որ մենք երեք միավոր վաստակեցինք։
Ինչ վերաբերում է «Լացիոյի» երկրպագուներին ու նրանց ռասիստական բացականչություններին իմ և իմ եղբոր՝ Ֆրանկ Կեսյեի հասցեին, ապա մենք ուժեղ ենք և հպարտ ենք մեր մարմնի գույնով։ Ես վստահ եմ, որ մեր ակումբը կիդենտիֆիկացնի այդ մարդկանց»,- գրել է Բակայոկոն։
Ստեֆանո Պիոլիի սաները երեք խաղից հետո 9 միավոր են վաստակել։ Բացի «Միլանից», դեռևս 100 տոկոսանոց արդյունք են գրանցել նաև «Նապոլին» և «Ռոման»։
1
2
3
4
5
1
2
3
4
5
2
3
4
5
