840 դոլար՝ 1000 խորանարդի դիմաց. Եվրոպայում գազի գինը նոր ռեկորդային ցուցանիշ է սահմանել
ՏնտեսությունԵվրոպայում գազի գինը թարմացրել է պատմական ռեկորդային ցուցանիշը՝ գերազանցելով 840 դոլարի շեմը 1000 խորանարդ մետրի դիմաց: Այս մասին հայտնում է «Ռոսիյսկայա գազետա»-ն՝ վկայակոչելօով աճուրդի արդյունքները:
Երևանյան ժամանակով 10:35-ի դրությամբ՝ գազի ֆյուչերսը նիդերլանդական TTF բորսայի տվյալներով՝ կազմել է 841,39 դոլար՝ 1000 խորանարդ մետրի դիմաց:
Եվրոպայում գազի գներն աճում են ջեռուցման նոր ժամանակահատվածին ընդառաջ ստորգետնյա ամբարների դանդաղ լցման, ինչպես նաև «Գազպրոմի» կողմից կապույտ վառելիքի՝ Եվրոպա տարանցիկ մատակարարման համար Ուկրաինայի գազատրանսպորտային համակարգի լրացուցիչ հզորություն ապահովելուց հրաժարվելու ֆոնին:
Հիշեցնենք, որ նախօրեին հայտնի էր դարձել, որ գազի գինն առաջին անգամ գերազանցել է 800 դոլարի շեմը՝ 1000 խորանարդ մետրի դիմաց:
1
2
3
4
5
2
3
4
5
3
