Էրդողանը սկանդալային հայտարարություններ է արել
Աշխարհ
Ադրբեջանական Turan լրատվական գործակալության փոխանցմամբ՝ Թուրքիայի նախագահ Ռեջեփ Էրդողանը այսօր Անկարայում կարևոր հայտարարություն է արել երկրի անվտանգության ապահովման հարցի վերաբերյալ։
Նա հասկացնել է տվել, որ երկրի անվտանգության հարցերը լուծվում են ինչպես նրա ներսում, այնպես էլ՝ նրա սահմաններից դուրս։ Էրդողանը նման վայրերի թվում նշել է նաև Նախիջևանը.
«Մենք պետք է Թուրքիայի հանդեպ սպառնալիքները ոչնչացնենք բնօրրանում։ Ոչ մի րոպե չպետք է մոռանալ, որ Թուրքիայի անվտանգությունը սկսվում է ոչ թե Գազիանթեփ, Հաթայ, Կարս կամ Արտվին նահանգներում, այլ՝ սիրիական Հալեպում ու Իդլիբում, Կիպրոսում, Նախիջևանում, Բաթումում, Բալկաններում։
Այն ուժերը, որոնք բացեիբաց չեն կարող մարտահրավեր նետել Թուրքիային, փորձում են գործել ընդհատակից։ Հետաքրքիր է, որ նրանք, ովքեր ավելի վաղ, առանց քաշվելու, Թուրքիային մեղադրում էին ԴԱԻՇ-ի դեմ պայքարելուց հրաժարվելու մեջ, այսօր Անկարայից պահանջում են դադարեցնել հակաահաբեկչական գործողությունները տարածաշրջանում։
Նրանք մեզ խորհուրդ են տալիս զորքերը չմտցնել Սիրիայի տարածքի խորքերը՝ 20 կիլոմետրից ավելի։ Սակայն ով էլ ինչ ասի, մենք շարունակելու ենք մեր ուղին»։
1
2
3
4
5
1
2
4
5
1
2
3
4
5
