Հայ գերիներին տեղափոխող ինքնաթիռը վայրէջք կատարեց Երևանում (տեսանյութ)

20.01

Հայ գերիներին տեղափոխող ինքնաթիռը վայրէջք կատարեց Երևանի «Էրեբունի» օդանավակայանում, տեղեկացնում է Armeniasputnik.am–ը։

Նրանցից 3–ին` Ռաֆիկ Կարապետյանին, Սեդրակ Սողոմոնյանին և Մելս Ամբարդանյանին, հուլիսի 23–ին Բաքվի դատարանը դատապարտել էր 6 տարվա ազատազրկման խիստ ռեժիմի բանտում:
Այդ օրը 6 տարվա ազատազրկման էին դատապարտվել ևս 10 հայ ռազմագերի։ Դրանից բացի, Բաքվի դատարանում հուլիսի 22–ին նմանատիպ դատավճիռ էր կայացվել 13 հայ գերիներից բաղկացած մեկ այլ խմբի նկատմամբ, որոնց թվում նաև Ժորա Վանոյի Մանուկյանն էր։

19.25

Armeniasputnik.am–ը նաև տեղեկացնում է, որ հայտնի են Բաքվից Հայաստան տեղափոխվող գերիների անունները։ Դրանք են՝

Մելս Կարապետի Ամբարդյան
Ռաֆիկ Ռոբերտի Կարապետյան
Ժորա Վանոյի Մանուկյան
Հովսեփ Ռոբերտի Մանուկյան
Սեդրակ Սամվելի Սողոմոնյան

19։05

Բաքվից Երևան է տեղափոխվում ռազմագերիների նոր խումբ։ Ռազմագերիներին տեղափոխող ինքնաթիռը վայրէջք կկատարի «Էրեբունի» օդանավակայանում, տեղեկացնում է armeniasputnik.am–ը։

Ադրբեջանական լրատվամիջոցները հայտնում են, որ Երևանին են վերադարձնում գերիների 5–հոգանոց խմբի։

Հիշեցնենք` ՀՀ ՔԿ պաշտոնական տվյալներով` արցախյան 44–օրյա պատերազմի հետևանքով Արցախում և ՀՀ-ում զոհված զինծառայողների և քաղաքացիական անձանց ընդհանուր թիվը 3788 է։

Հոկտեմբերի 4-ի դրությամբ անհայտ է 224 զինծառայողի և 22 քաղաքացիական անձի գտնվելու վայրը։

Մինչ օրս Ադրբեջանը ՀՀ–ին էր հանձնել գերեվարված 108 զինծառայողների և քաղաքացիական անձանց։