Մարմնամարզության ԱԱ. Մերդինյանը գրավել է 8-րդ հորիզոնականը
Սպորտ
Հայ մարմնամարզիկ Հարություն Մերդինյանը Ճապոնիայի Կիտակյուշու քաղաքում ավարտված սպորտային մարմնամարզության աշխարհի առաջնությունում գրավել է 8-րդ հորիզոնականը: Մերդինյանը նժույգ թափեր վարժության եզրափակչում վաստակել է 13.400 միավոր:
Այս վարժությունում չեմպիոնի կոչումը նվաճել է ԱՄՆ ներկայացուցիչ Ստեֆան Նեդորոսչիկը, որը վաստակել է 15.266 միավոր, երկրորդ տեղը 14.900 միավորով կիսել են Չինաստանի ներկայացուցիչ Ուենգ Հաոն և Ճապոնիայի ներկայացուցիչ Կայա Կազուման:
Ավելի վաղ Մերդինյանին չէր հաջողվել դուրս գալ նժույգ թափեր վարժության եզրափակիչ:Նա գրավել էր 10-րդ հորիզոնականը՝ վաստակած 14,666 միավորով: Առաջին 8 հորիզոնականները զբաղեցրած մարզիկները դուրս էին եկել եզրափակիչ, իսկ 9-11-րդ տեղերը գրավածները հանդիսանում էին եզրափակչի պահեստայիններ։ Արդյունքում, Մերդինյանը մասնակցեց եզրափակչին:
Հայաստանի մյուս ներկայացուցիչ Գագիկ Խաչիկյանը որակավորման փուլում գրավել էր 80-րդ տեղը: Նա վաստակել էր 11.600 միավոր:
1
2
3
4
5
2
3
4
5
2
3
4
5
