Միլանը լավագույն մեկնարկն է գրանցել վերջին 57 տարվա ընթացքում

Երեքշաբթի օրը՝ հոկտեմբերի 26-ին, Միլանում կայացավ Իտալիայի առաջնության 10-րդ տուրի հանդիպումը, որում «Միլանը» սեփական հարկի տակ 1-0 հաշվով հաղթեց «Տորինոյին»։

Ռոսոներիների համար այս հաղթանակը 9-րդն էր 10 մեկնարկային տուրերում (մեկ ոչ-ոքի): Առաջնությունում այս մեկնարկը լավագույնն է «Միլանի» համար վերջին 67 տարվա ընթացքում։

Վերջին անգամ Ա Սերիայում միլանյան ակումբը նույն արդյունավետությամբ սկսել է 1954 թվականին՝ Բել Գուտմանի գլխավորությամբ, հայտնում է Opta-ն։

Այս պահին Ստեֆան Պիոլիի թիմը 10 խաղում վաստակած 28 միավորով զբաղեցնում է Ա Սերիայի մրցաշարային աղյուսակի 1-ին հորիզոնականը։ Երկրորդ տեղում ընթացող «Նապոլին» ունի 25 միավոր, սակայն մեկ խաղ պակաս է անցկացրել։