Բայդենն Էրդողանին ասելու է, որ ԱՄՆ-ն և Թուրքիան պետք է խուսափեն ճգնաժամերից

ԱՄՆ նախագահ Ջո Բայդենը,  կիրակի առավոտյան G20-ի գագաթնաժողովի ժամանակ ծրագրում է  Թուրքիայի նախագահ Ռեջեփ Թայիփ Էրդողանին ասել, որ երկու երկրները պետք է ուղիներ գտնեն միմյանց հետ ճգնաժամերից խուսափելու համար, քանի որ դաշինքը վերջերս փորձության է ենթարկվել  ԱՄՆ-ը դեսպանին այլևս չճանաչելու սպառնալիքովև Թուրքիայի կողմից ռուսական արտադրության С-400 հակահրթիռային պաշտպանության համակարգի գնմամբ:

Ինչպես գրում է Associated Press-ը, երկու ղեկավարները նաև նախատեսում են քննարկել տարածաշրջանային հարցեր, որոնք վերաբերում են Սիրիային և Լիբիային: Այս մասին հայտարարել է ԱՄՆ վարչակազմի բարձրաստիճան պաշտոնյան: 

AP-ն նկատում է, որ Թուրքիայի դերը՝ որպես ՆԱՏՕ-ի դաշնակից, վերջին շաբաթների ընթացքում ընդգծված ուշադրության կենտրոնում է հայտնվել: Էրդողանը հոկտեմբերին 23-ին հայտարարել էր, որ 10 օտարերկրյա դեսպանները, որոնք կոչ են արել ազատ արձակել բանտարկված գործարար և բարերար Օսմալ Քավալային, պետք է հայտարարվեն պերսոնա նոն գրատա։ Դեսպանները, այդ թվում՝ ԱՄՆ-ի, Ֆրանսիայի և Գերմանիայի, ավելի վաղ հայտարարություն էին տարածել՝ կոչ անելով ազատ արձակել 2017 թվականից բանտում գտնվող Քավալային:

Բացի այդ, Թուրքիայի նախագահը հայտարարել էր, որ պատրաստ է գնել ռուսական երկրորդ հրթիռային համակարգը, չնայած հակասություններին, որոնք առաջացել են 2017 թվականին ռուսական արտադրության С-400 համակարգեր ձեռք բերելու վերաբերյալ իր գործարքի պատճառով: