Բելառուսից հայտնել են սահմանը հատած և Լեհաստանի տարածքում հայտնված փախստականների թիվը
ԱշխարհՄինչև 100 փախստականից կազմված խումբը հայտնվել է Լեհաստանի տարածքում՝ լեհ-բելառուսական սահմանին տեղակայված ինժեներական արգելապատնեշների մոտ: «ՌԻԱ նովոստի»-ի փոխանցմամբ՝ այս մասին շաբաթ հայտարարել է Բելառուսի պետական սահմանապահ կոմիտեի պաշտոնական ներկայացուցիչ Անտոն Բիչկովսկին:
««Բրուզգի» սահմանային անցակետի մոտ գտնվում է մինչև 100 փախստական, որոնք գործանականում հայտնվել են Լեհաստանի տարածքում»,- հայտնել է վերջինս:
Նախօրեին «Սպուտնիկ Բելառուս» գործակալությունը տեղեկացրել էր մի խումբ ներգաղթյալների՝ սահմանը հատելու մասին:
Իրադրությունը լեհ-բելառուսական սահմանին բարդարել է նոյեմբերի 8-ին, երբ Մերձավոր Արևելքի և Աֆրիկայի երկրներից մի քանի հազար անօրինական փախստականներ բելառուսական կողմից մոտեցել Լեհաստանի հետ սահմանին: Նրանք ցանկանում են անցնել Եվրամիություն: Լեհաստանի պաշտոնատար անձինք տեղի ունեցածը համարել են ամենադժվար պահը սահմանի վրա ճգնաժամի սկսվելուց ի վեր:
Վերջին ամիսներին Լեհաստանը, Լիտվան և Լատվիան հաղորդել են Բելառուսի սահմանից՝ դեպի ԵՄ տարածք ձգտող անօրինական փախստականների թվի աճի մասին: Եվրամիությունում Բելառուսին մեղադրում են նրա համար, որ նա քաոս Է ստեղծել ԵՄ-ի սահմանների մերձակայքում, քանի որ փախստականներին թույլ չի տալիս հետ վերադառնալ: Բալթյան երկրները Բելառուսի իշխանություններին մեղադրում են փախստականների հոսք կազմակերպելու համար և դա որակում են «հիբրիդային ագրեսիա»: Այդ նույն դիրքորոշումն ունի նաև Եվրահանձնաժողովը:
1
2
3
4
5
1
2
5
1
2
3
5
