Նա կտակել էր այրել իր մարմինն, ու մոխիրն օվկիանոսին հանձնել․ Էլվինա Մակարյանն այսօր 66 տարեկան է
Life
Երգչուհի Էլվինա Մակարյանը դեռ վաղ տարիքից մեծ սեր է ունեցել երաժշտության նկատմամբ։ Մայրը, նկատելով աղջկա սուր լսողությունը, նրան տարել է Սայաթ-Նովայի անվան երաժշտական դպրոց։
Երգչուհին ծնվել է Երևանում, ավարտել Կոմիտասի անվան կոնսերվատորիան: Դեռ 12 տարեկան հասակում ստացել է իր առաջին մրցանակը: Էլվինան 16 տարեկան էր, երբ Հայաստանի պետական էստրադային նվագախմբի գեղարվեստական ղեկավար Կոնստանտին Օրբելյանը, լսելով նրա հզոր ձայնը, նրան հրավիրում է անսամբլ։ Օրբելյանի նվագախումբը դարձավ Էլվինայի թռիչքը երգարվեստում։
90-ականներին նա Հայաստանը «ողողել» էր իր գրած «Յարո ջան» և «Երևան» երգերով: Հատկապես 1993-1996 թվականները նրա համար վերածննդի տարիներ էին:
Ավելի ուշ սկսվել են երգչուհու արտասահմանյան շրջագայությունները։ Նա առնչվել է համաշխարհային մշակույթի և օտարազգի երաժիշտների հետ։ Սիրահարված էր ամերիկյան ջազին։ Մինչև 90-ականների վերջ Էլվինան ստեղծագործել է հայրենիքում, որից հետո ընդմիշտ մեկնել է ԱՄՆ, որտեղ շարունակել է իր գործը սեփական ստուդիայում։
Կյանքի վերջին տարիներին երգչուհին ԱՄՆ-ում էր բնակվում: Մահից առաջ Էլվինա Մակարյանը կտակել էր իրեն այրել ու մոխիրը հանձնել օվկիանոսին։ Կտակով նա խնդրել էր նաև հոգեհաց չկազմակերպել, չհավաքվել։ Ուղղակի հիշել իրեն՝ յուրաքանչյուրն ինքն իր համար:
1
2
3
4
5
3
4
5
2
4
5
