Թուրքիայում հերթական սոցհարցումն է անցկացվել. իշխող կոալիցիան զիջում է ընդդիմադիր ուժերին
ԱշխարհԹուրքիայում գործող ORC ընկերությունը սոցհարցում է անցկացրել, որի արդյունքների համաձայն՝ Թուրքիայում իշխող «Ժողովրդական դաշինք»-ի վարկանիշը, որում ընդգրկված են «Արդարություն և Զարգացում» (AKP) և «Ազգայնական շարժում» (MHP) կուսակցությունները, շարունակում է զիջել ընդդիմադիր ուժերի ձայներին:
Այս մասին, ինչպես հաղորդում է «Արմենպրես»-ը, հայտնում է թուրքական haberler.com-ը:
Հարցման արդյունքների համաձայն՝ Թուրքիայում իշխող «Արդարություն և զարգացում» կուսակցության քվեները կազմել են 30,3 տոկոս, գլխավոր ընդդիմադիր համարվող քեմալական «Ժողովրդահանրապետական» կուսակցության քվեները՝ 25 տոկոս, իշխող կոալիցիայի մեջ գտնվող «Ազգայնական շարժում» կուսակցությանը՝ 8,8 տոկոս, ԺՀԿ-ի հետ ընդդիմադիր «Ազգային դաշինք» դաշինքում ներառված «Լավ» կուսակցության քվեները՝ 15,9 տոկոս:
Ներկայումս Թուրքիայի խորհրդարանում ներկայացված քրդամետ «Ժողովուրդների դեմոկրատական» կուսակցությունը հարցման համաձայն՝ չի կարողանում հաղթահարել անցողիկ շեմը:
Այսպիսով, իշխող «Ժողովրդական դաշինք»-ի մեջ ներառված ԱԶԿ-ի և ԱՇԿ-ի ձայները գումարային կազմել են 39,1, իսկ ընդդիմադիր «Ազգային դաշինք» դաշինքում ներառված ՀԺԿ և «Լավ» կուսակցությունների գումարային ձայները՝ 41,4 տոկոս:
1
2
3
4
5
1
2
3
4
5
2
3
4
5
