Ալմաթիում գնդակոծության հետևանքով չորս տարեկան աղջիկ է մահացել

Ալմաթիում գնդակոծության հետևանքով չորս տարեկան աղջիկ է մահացել: Երկրում երեխաների իրավունքների օմբուդսմեն Արուժան Սաինը լրագրողներին ասել է, որ հունվարի 7-ին, երբ չորս երեխաներով մեքենան անցնում էր Ալմաթիի փողոցներով, դրա վրա կրակել են։

Ինչպես գրում է svpressa.ru-ն, միջադեպի հետևանքով 4-ամյա աղջիկը մահացու վնասվածքներ է ստացել, ինրի հետևանքով տեղում մահացել է։

Ավելի վաղ հաղորդվել էր, որ հունվարի 5-ին 11-ամյա տղան մահացել է հրազենային վնասվածքից։ Թե ում արձակած փամփուշտն է սպանել երեխային, չի նշվում։ Հայտնի է միայն, որ երբ հնչել է կրակոցը, երեխան ընտանիքի հետ զբոսնելիս է եղել։

Ղազախստանում անկարգությունների ժամանակ 164 մարդ է զոհվել: ՏԱՍՍ-ի փոխանցմամբ՝ յաս մասին հայտնել է «Խաբար-24» հեռուստաալիքը: Այլ մանրամասներ չեն հաղորդվում:

Ղազախստանի մի շարք բնակավայրերում հունվարի 2-ից սկսվել էին բողոքի ակցիաներ, որոնք օրերի ընթացքում վերածվել էին զանգվածային անկարգությունների, հարձակումներ էին իրականացվել պետական մարմինների վրա: Անկարգությունների հետևանքով վիրավորվել են հազարավոր մարդիկ, կան զոհեր: Նախագահ Կասիմ Ժոմարտ Տոկաևը հայտարարել էր, որ երկրում անհրաժեշտ է հակաահաբեկչական գործողություններ իրականացնել և օգնության համար դիմել էր ՀԱՊԿ-ին: Ի պատասխան դիմումի՝ հունվարի 7-ին սահմանափակ ժամանակահատվածով Ղազախստան են ուղարկվել ՀԱՊԿ հավաքական խաղաղապահ ուժեր: