Քիմ Քարդաշյանի զուգընկերները՝ մինչեւ Քանյեն (լուսանկարներ)

Քրիստինա Խաչատրյան, «Armtimes»

Ամերիկյան ռեալիթի-շոուների աստղ Քիմ Քարդաշյանն ու ռեփեր Քանյե Ուեստն այնպիսի ամուր ընտանիքի համբավ են ձեռք բերել, որ երեւի քչերը կհիշեն Քիմի նախկին ընկերներին ու ամուսիններին: Իսկ հայազգի աստղը մինչեւ Քանյեին հանդիպելը 8 զուգընկեր է ունեցել: Նրանցից 2-ի հետ ամուսնացած է եղել:

2000-2004 թվականներին 36-ամյա Քիմն ամուսնացած է եղել պրոդյուսեր Դեմոն Թոմասի հետ:

2006-ին Քիմը հանդիպել է երգիչ, պրոդյուսեր Ռեյ Ջեյ Նորվուդի հետ:

Երգչուհի Ջեսիկա Սիմփսոնի հետ աղմկահարույց ամուսնալուծությունից հետո երգիչ, դերասան, պրոդյուսեր Նիք Լաշեն սկսել է ընկերություն անել Քիմի հետ:

Մինչեւ երգչուհի Մրայա Քերիի հետ ամուսնանալն ամերիկացի դերասան, ռեփեր Նիք Քենոնը նույնպես հանդիպել է Քիմի հետ: Նրանց հարաբերությունները շատ կարճ են տեւել՝ 2006 թվականի վերջից 2007 թվականի սկիզբը:

Ամերիկյան ֆուտբոլի աստղ Ռեգի Բուշն ու Քիմը միասին են եղել 2007 թվականի ապրիլից 2009 թվականի հուլիսը: 2009 թվականի սեպտեմբերին նրանք հաշտվել են, սակայն կարճ ժամանակ անց՝ 2010 թվականի սկզբին, նորից բաժանվել են:

Ամերիկյան ֆուտբոլի մեկ այլ ներկայացուցչի՝ Մայլզ Օստինի հետ Քիմը հանդիպել է 2010-ի հունիսից սեպտեմբերը:

2010 թվականի վերջում Քիմը կարճ սիրավեպ է ունեցել մոդել Գաբրիել Օբրիի հետ, որը նոր էր բաժանվել դերասանուհի Հոլի Բերիից:

NBA-ի աստղ բասկետբոլիստ Քրիս Համֆրայզը եւ Քիմը սկսել են հանդիպել 2010-ի դեկտեմբերին, նշանվել են 2011-ի մայիսին, ամուսնացել 2011-ի օգոստոսին եւ ամուսնալուծվել նույն տարվա հոկտեմբերին:

Եվ իհարկե, Քիմ Քարդաշյանի կյանքի սերը... համենայնդեպս այդպես է թվում առայժմ: Թեեւ վերջերս շատ են խոսում նրա ու Քանյե Ուեստի հնարավոր ամուսնալուծության մասին, նրանք պնդում են, որ նման մտադրություն չունեն եւ պարբերաբար ընտանեկան ջերմ լուսանկարներ են հրապարակում՝ ի ցույց դնելով իրենց մեծ սերը:

Քիմը ռեփեր Քանյե Ուեստի հետ սկսել է հանդիպել Քրիս Համֆրայզից բաժանվելուց հետո՝ 2012-ին: 2013-ին՝ Ամանորից առաջ նրանք հայտարարեցին, որ սպասում են իրենց առաջնեկին: 2014-ի մայիսին նրանք Իտալիայում ամուսնացել են: Այժմ 2 երեխա ունեն՝ դուստրը՝ Նորթը, ու որդին՝ Սեյնթը: