Աժ տնտեսական հարցերի հանձնաժողովը քննարկեց գովազդի մասին օրենքը և դրական եզրակացություն չտվեց

ԱԺ տնտեսական հարցերի մշտական հանձնաժողովում քննարկվեց «Գովազդի մասին օրենքում փոփոխություններ և լրացումներ կատարելու մասին» նախագիծը, որը զեկուցեց ֆինանսների նախարարի տեղակալ Արմեն Հայրապետյանը։

Նա նախ ներկայացրեց, որ 2018 թվականի համեմատ 2020 թվականին ունեցել ենք 6 անգամ խաղադրույքների աճ և երեք անգամ խաղացողների աճ։ «Առաջարկվում է ինտերնետ շահումով խաղի գովազդի կարգավորումները վերադառան մինչև 2000 թվականը կարգավորւմների դաշտ։ Այսինքն՝ օրենքի ընդունումից հետ գովազդ կթուլատրվի միայն չորսաստղանի և բարձր հյուրանոցներում, սահմանային անցակետերում և այնտեղ որտեղ իրենք գործունեություն կանեն՝ շենքի ճակատային մասում և ներսում, մյուս վայրերում գովազդը արգելված կլինի»,–ասաց նա։

Նա նշեց, որ հարցը երկար քննարկվել է, որոշակի խնդիրներ կան  և որոշակի բացասական ազդեցություն է ունենալու գովազդային գործակալների նկատմամբ՝ իրենց գնահատմամբ 60–70 տոկոսի չափով, իսկ նախարարության ուսումնասիրությամբ՝ 20–25 տոկոս։ Նա նշեց, որ հասկացել են, որ խնդիր կա ժամանակի մեջ իրենց գործունեությունը հարմարեցնելու։

Տնտեսական մրցակցության պաշտպանության հանձնաժողովի ներկայացուցիչն ասաց, որ այս հարցի հետ կապված հանձնաժողովը տվել է եզրակացություն, որով երեք հիմնական հարցի է անդրադարձել, և եզրակացրել է որ գովազդի ոլորտում կարող են լինել մրցակցության պաշտպանության սահմանափակումներ, հանրային շահի պաշտպանությունը հիմնավորված է համարել, իսկ մտահոգությունները վերաբերում են նրան, թե արդյոք այս նախագծով նախատեսված միջոցները համաչափ են այն նպատակի իրականացման համար, որի ընդունման համար նխատեսվում է  նախագիծը։ «Հանձնաժողովի մտահոգությունը վերահսկողական մեխանիզմների բացակայությանն են վերաբերում»,–ասաց նա և նշեց, որ արտասահմանյան սուբյեկտները դուրս են մնում այս նախագծից և ռիսկ է պարունակում, որ ամբողջական հարցը չկարգավորվի այս նախագծով, որովհետև հնարավորություն ունենան թե՛ տեղական սուբյեկտներն արտասահմանյան կայքերի միջոցով գովազդ անել, թե՛ արտասահմանյան կայքերը ինքնին գովազդ իրականացնեն և համապարփակ հարցը չի կարգավորվում։

Արմեն Հայրապետյանը արձագանքեց, որ ըստ էության հանձնաժողովի վերջնական եզրահանգումը այն է, որ նախագիծը  չի պարունակում տնտեսական մրցակցության օրենսդրությանը հակասող դրույթներ, բայց մտահոգություններ ունեն։ Ինչ վերաբերում է արտասահմանյան ընկերությունների գովազդ իրականցնելու ռիսկերին, նա ասաց, որ այդտեղ ևս սահմանաակումներ, պատասխանատվության հարցեր կան։

«Իմ քայլը» խմբակցությունից Բաբկեն Թունյանը հետաքրքրվեց, թե արդյոք նախագիծը բոլորի համար հավասար պայմաններ է ստեղծում։ «Ենթադրենք՝ օրենքն ընդունվում է, մենք ունենք մի իրավիճակ, երբ բոլորի համար գովազդն արգելված է, բայց մենք ունենք մեկ հեռուստաընկերություն, կամ օրինակ՝ կոշիկի արտադրամաս, որն ամբողջապես ասոցացվում է  այդ բուքմեյքերական ընկերության հետ։ Իրենք գովազդ չեն իրականացնում, այլ որպես հեռուստաընկերություն գործում են, այդ դեպքում ի՞նչ է տեղի ունենում, հովանոցային գովազդ է ընկալվո՞ւմ և ինչ հետևանքներ են լինելու»,–ասաց նա։

Արմեն Հայրապետյանը պատասխանեց, որ երկու կարևոր հանգամանք կա․ այն պետք է համարվի օտարերկրյա ներդրող, և երկրորդ հարցն այն է, թե  բոլոր սահմանափակումները որ կիրառվում է երկրում, օտարերկյա ներդրողներին բոլոր հնարավորությունները տրվո՞ւմ են։ Նա նշեց, որ իրավակիրառ մարմնի կողմից այդ հարցը առանձին քննարկման հարց պետք է լինի։

 Նիստը վարող Վահե Հակոբյանը նշեց, որ գովազդից գոյացած բյուջեն հեռուստաընկերություններում  30–40 տոկոս է, ռադիոյում 30–40– տոկոս է, համացանցում՝ 40–50 տոկոս, արտաքին գովազդում՝ 40–50 տոկոս։ «Այսինքն եթե մենք հիմա արգելում ենք դա զգալի հարված է այդ բոլոր ոլորտներին։ Ես, որպես ՀՀ քաղաքացի դեմ չեմ, որ զսպող մեխանիզմներ կիրառվեն, բայց ես կողմ եմ շուկայի ավելի խորը ուսումնասիրման։ Իմ կարծիքով՝ հարցը խորը ուսումնասիրված չէ, և ես առաջարկում եմ քննարկումը հետաձգել»,–ասաց նա։

Բաբկեն Թունյանը նկատեց, որ խաղամոլության թեման վաղուց էր քննարկվում և գրեթե բոլոր տնտեսվարող սուբյեկտներին վերաբերում է։ «Ես համաձայն եմ, որ գովազդի սահմանափակումներ մտցնելով  այս խնդիրը ամբողջությամբ չի լուծվում, բայց սա այն լրացուցիչ գործոններից մեկն է, որով պետք է կանխել այս երևույթի տարածումը։ Ցավոք, ունենք իրավիճակ, որ մեդիադաշտը նստած է պայմանական ասած բույքմեյքերական գովազդի ասեղի վրա և լուծումը պետք է գտնենք հնարավորինս անցնցում կազմակերպել  այս պրոցեսը, որ իրենք էլ ադապտացվելու ժամանակ ունենան։ Կարծում եմ, որ գովազդի մասին այս սահմանափակումները պետք է ընդունվեն, բայց նաև պետք է որոշակի շտկումներ կատարվեն անցումային դրույթների և հնարավոր մրցակցության խաթարումների մասով»,–ասաց նա և նշեց, որ կփորձեն առաջինից երկրորդ ընթերցում այդ փոփոխությունները կատարել։

Այսպիսով հանձնաժողովը դրական եզրակացություն չտվեց նախագծին;